Vídeo directo | Israel volve abordar a Flotilla de Gaza con galegos a bordo

A mariña israelí ha abordado este luns a Global Sumud Flotilla en augas internacionais, a unhas 80 millas náuticas ao oeste de Chipre, nunha nova operación contra a misión humanitaria que partiu de Turquía o pasado 14 de maio con case 500 persoas de 45 países. Entre os activistas atópanse varios galegos, entre eles Benito González e o sanitario vigués Xurxo Porritt, que viaxan xuntos no Iridiscence, así como Ana, Sandra, e Alberte, distribuídos noutros barcos da flota.

"Os buques militares están a rodear a nosa flota. Estamos en alerta máxima".

A interceptación, retransmitida en directo desde os propios buques e que se pode seguir no vídeo que figura abaixo, produciuse cando militares israelís comezaron a rodear a flota "a plena luz do día", segundo denuncia a organización. A expedición lanzara unha alerta á primeira hora da mañá a través da súa canle de Telegram: "Os buques militares están a rodear a nosa flota. Estamos en alerta máxima". Pouco despuéshan empezado a chegar as primeira imaxes das abordaxes.

⭕️ ÚLTIMA HORA | Israel volve interceptar a Global Sumud Flotilla rumbo a Gaza e convócanse protestas urxentes en Aragón: https://t.co/FIHZcT8etb pic.twitter.com/Ziswwy1ZWF

— AraInfo (@arainfonoticias) May 18, 2026

Esta é a segunda gran operación israelí contra a flotilla en menos dun mes. O 30 de abril, as forzas navais israelís abordaron 22 embarcacións en augas internacionais entre Sicilia e Creta, a máis de 1.100 quilómetros de Palestina, a intercepción máis afastada documentada até a data. Naquela ocasión, foron retidas unhas 175 persoas; os 33 barcos restantes lograron refuxiar en augas territoriais gregas.

Entre os detidos naquela primeira abordaxe estaban a avogada compostelá Sandra Garrido e Manu López, patrón do barco Meteque, dous dos membros da delegación galega. Garrido foi posteriormente deportada e xa se atopa a salvo. Segundo o seu testemuño, o obxectivo israelí non era reter a todos os activistas senón desarticular o liderado da flotilla. As forzas israelís tamén haberían inutilizado motores e sistemas GPS en plena tormenta, o que os organizadores da misión cualificaron de manobra de risco extremo.

Tras aquel asalto, un centenar de organizacións galegas asinaron un manifesto de urxencia esixindo a liberación dos retidos, e cidades como Santiago de Compostela, Vigo, Ferrol e Lugo mobilizáronse en protesta polo que denunciaron como un secuestro ilegal en alta mar.

Os argumentos da flotilla

A Global Sumud Flotilla sostén que a súa misión é estritamente humanitaria e pacífica: levar axuda médica e romper o bloqueo naval que Israel mantén sobre Gaza desde 2007, que a organización cualifica de ilegal segundo o dereito internacional. A bordo viaxan profesionais sanitarios, xornalistas e activistas de dereitos humanos procedentes de 45 países.

A organización denuncia que a nova interceptación constitúe "outra agresión ilegal en alta mar" e acusa a Israel de vulnerar a Convención de Nacións Unidas sobre o Dereito do Mar (UNCLOS) e a liberdade de navegación en augas internacionais. Segundo a flotilla, o cerco produciuse dentro da área de procura e rescate de Chipre, a 250 millas náuticas de Gaza, moi lonxe de calquera xurisdición israelí recoñecida.

A organización tamén alerta de que esta segunda interceptación prodúcese mentres o convoi terrestre Global Sumud Land Convoi permanece bloqueado en Libia no seu intento de alcanzar Rafah, no que os activistas describen como unha estratexia coordinado para pechar todos os corredores humanitarios cara a Gaza.

A posición de Israel

Israel non se pronunciou publicamente sobre esta segunda abordaxe no momento de publicar esta información. En operacións anteriores, as autoridades israelís han xustificado as interceptaciones alegando razóns de seguridade nacional e a necesidade de evitar a entrada de material non controlado na Franxa de Gaza, cuxo bloqueo defenden como unha medida lexítima fronte a Hamás. Israel considera que calquera embarcación que tente forzar o bloqueo incorre nunha infracción que xustifica a intervención da súa armada, independentemente de que a misión se atope en augas internacionais.

A situación prodúcese ademais nun momento de especial tensión rexional: Israel mantén un cesamento do fogo fráxil con Irán, o que engade unha capa de incerteza sobre o alcance e as consecuencias da operación en curso.