Alerta sanitaria sobre os produtos de Casa Macán, unha das grandes do queixo galego, por "incumprimentos graves"

As autoridades sanitarias han ordenado retirar do mercado os produtos da empresa lucense Lácteos Casa Macán, cuxa actividade foi suspendida tras detectarse nas súas instalacións unha serie de incumprimentos "graves" que "non permiten garantir a seguridade dos produtos alí elaborados".

Sanidade recomenda non consumir os produtos desta marca

Diso informou este mércores a Consellería de Sanidade, que trasladou a situación, detectada nun control oficial realizado nas instalacións da empresa, á Axencia Española de Seguridade Alimentaria e Nutrición (AESAN). Esta compañía, segundo a información de Economía Dixital, en 2015 producía os seus produtos para grandes cadeas como Lidl, Día, Mercadona ou Eroski.

Así, os servizos veterinarios de Saúde Pública da zona de Lugo dependentes de Sanidade suspenderon de forma cautelar todas as actividades da industria. Ademais, os produtos foron intervidos e ordenouse a retirada das canles de distribución de todos os produtos comercializados por Lácteos Casa Macán, con sede en Lugo.

A prohibición afecta a todos os lotes de produtos desta compañía, como a manteiga cocida de vaca, os queixos Arzúa Ulloa, Teto, Arzúa Ulloa curado, queixo de barra Costeño e queixo galego en rebanadas.

Segundo sinala a consellería de Sanidade, que recomenda aos cidadáns que teñan estes produtos que non os consuman e devólvanos aos puntos de compra, estes lácteos foron distribuídos en Galicia, Cataluña e Castela A Mancha.