Eleccións galegas o 5 de abril nas que Feijóo será o candidato do PP

|

Bastou que se filtrase que esta mañá Íñigo Urkullu ía convocar eleccións vascas para que todo o calendario político galego saltase polo aire. Alberto Nuñez Feijóo acaba de confirmar que o día 5 de abril os galegos tamén irán ás urnas. Esta é a crónica política do porqué deste adianto e de quen sae gañando con el.


Feijóo insiste en que a de hoxe era unha decisión "previsible", a pesar de que a semana pasada gardábase as súas cartas e destacaba que esta lexislatura había leis importantes por aprobar.


Feijoo convoca


Que argumentos usa o presidente do PPdeG para xustificar este repentino cambio de rumbo? Ningún que non puidese esgrimir hai días: a necesidade de non cansar aos cidadáns con sucesivos procesos electorais, que o próximo executivo teña tempo para facer os orzamentos de 2021, a suposta inestabilidade do Goberno de España froito do pacto do PSOE con Podemos, o desafío catalán ...


Son razóns, a oposición dirá que escusas, que no fondo xa non teñen  importancia. O  relevante é que os galegos votarán por terceira vez consecutiva o mesmo día que os vascos. Sería inocente pensar en que isto é casualidade.


Ao PPdeG favorécelle, en teoría, que na campaña galega se mesture o debate sobre a unidade de España.  Debate que, sen dúbida, subirá de ton ao fío da campaña que fagan PNV e Bildu na súa terra.


FEIJÓO SERÁ PROCLAMADO CANDIDATO MAÑÁ, SALVO SORPRESA MAIÚSCULA

Será Feijóo o candidato do PPdeG por cuarta vez, a pesar de que dixese no seu día proclamou que dúas lexislaturas lle parecían suficientes? O mandatario volveu negarse a desvelar a súa decisión. Logra así outro día máis que o seu nome acapare boa parte do debate. En todo caso, polo que se puido ler entre liñas en San Caetano, veremos de novo o seu rostro na cartelería electoral.


Cuestionado durante a rolda de prensa de urxencia, o de Vos Peares respondeu con evasivas, pero dando a entender que o misterio que el sempre alimenta durará pouco. "Mañá responderei a esa pregunta", "por esperar 24 horas non pasa nada", "correspóndelle á Xunta Directiva do PPdeG avaliar e propoñer candidato",  "será cuestión de horas" ...


Así que este martes haberá reunión na sede do PPdeG para, salvo sorpresa maiúscula, confirmar que Feijóo aspira por cuarta vez á presidencia de Galicia. Todo un alivio para os seus compañeiros conservadores. Non está o PPdeG para poñerse a buscar un 'presidenciable' á carreira porque, ademais, Feijóo coidouse que ningún subordinado seu tivese nunca tal etiqueta.


As enquisas apuntan a un resultado igualado, onde unha eventual coalición de esquerdas pode sumar maioría. Necesitaría, iso si estar formada por PSdeG, BNG e o nome que teña a confluencia de esquerdas



AS MAREAS E PODEMOS, SEN OS DEBERES ACABADOS

E é que á esquerda "rupturista" o adianto píllalle sen candidato, nin coalición sequera. E non é a primeira vez. De feito, as primarias de Podemos, anunciadas esta fin de semana, van moi xustas para poder cumprir co calendario electoral anunciado hoxe, especialmente se ao final hai converxencia.


Coalición entre os morados que se dá por feito, polo menos, con Esquerda Unida. Non se sabe se ANOVA se suma, descartada xa parece que definitivamente En Marea. 


E está por ver quen compite pola presidenciacon Feijóo, Gonzalo Caballero (PSdeG) e Ana Pontón (BNG) . Martiño Noriega (ANOVA) e Xulio Ferreiro (Marea Atlántica) son dous perfís candidatables; pero teniendo en cuenta a cainita historia recente das mareas, pode pasar calquera cousa. 


CIDADÁNS GALICIA ESTÁ DIVIDIDO E SEN CANDIDATO

Pola dereita, Feijóo tamén pilla co pé cambiado a Cidadáns Galicia. O partido a nivel estatal está en mans dunha xestora. É máis, hai unha Asemblea Xeral estatal na que se enfrontarán os oficialistas de Inés Arrimadas cos críticos de Igea, que hoxe por certo acaban de presentar a súa plataforma, Ciudadanos eres tú, en Galicia.


Así as cousas, a oferta de Arrimadas de acudir co PPdeG aos comicios parece que xa non ten sentido. Coa súa casa sen varrer, na total provisionalidade, parece imposible que se consome o matrimonio que tanto desexa. Máis aínda cando o noivo, Feijóo, non quere oír falar de tal oferta e Xénova ao final dálle a razón.  Cuestionado por unha eventual coalición cos laranxas, Feijóo dixo que mañá a súa directiva estaba convocada para outra cousa.


VOX TEN O 8% DO XERAIS PERO POUCO MÁIS

Aínda máis feble está Vox en Galicia. Sen candidato oficial, sen directiva galega propia, sen unha cara no país reconocible na prensa. 


Os nacionalistas españois lograron o 8% aproximadamente nas últimas xerais na autonomía, suficiente en teoría para rabuñar algún escano no Parlamento de Galicia. Con todo, o aparello do PPdeG, que é moi poderoso, fará o imposible por convencer aos votantes da dereita que apostar por Vox en Galicia volverá ser inútil á hora da repartición de actas parlamentarias. Algo do que xa convenceron no seu día a votantes potenciais de UPyD e Cs.


Ante este panorama, o PPdeG ten ao seu alcance  volver deixar a cero o marcador dos outros partidos de dereitas en Galicia. O que está por ver é se esta vez bástalle para derrotar a unhas esquerdas, simpre divididas, pero que agora detentan o poder en Moncloa

 



relacionada #CsEresTú Galicia: militantes e cargos que queren cambiar o rumbo Cidadáns

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress