Orde de busca e captura para a falsa médica que chegou a exercer na residencia DomusVi de Outeiro de Rei

Un xulgado decretou orde de busca e captura para unha muller que se fixo pasar por médica en Lugo e A Coruña e que chegou a exercer.
 

Así o informaron fontes xudiciais consultadas por Europa Press en relación a un caso polo que se lle imputan os delitos de intrusismo profesional, falsidade documental e estafa.
 

A muller chegou a traballar nunha clínica da Coruña e tamén nun centro xeriátrico na provincia de Lugo chegando a dar tratamentos e até emitir certificados de defunción.

Por outra banda, non compareceu no xuízo que estaba fixado hai uns meses nun Xulgado do Penal de Lugo e nunha causa pola que se enfronta a penas de tres anos e medio de cárcere.
 

Segundo a acusación, elaboraría documentación falsa sobre a súa suposta titulación, ademais de facer o mesmo para solicitar a súa colegiación.