O primeiro taxi eléctrico de Galicia xa funciona na Coruña

O taxista calcula que antes gastaba uns 12 euros ao día de gasóleo e agora paga uns 2 euros ao día por recargar a batería. Iso si, quéixase de que non hai puntos de recarga rápida na cidade, o que lle causa problemas nalgunhas xornadas.

O concelleiro de Urbanismo e Movilidad do Concello da Coruña, Juan Manuel Díaz Villoslada, asistiu este venres, na estación de autobuses, á presentación do primeiro taxi eléctrico de Galicia.

Sobre tipo de vehículo, o edil explicou que a intención do goberno local é habilitar puntos de carga eléctrica rápida para este tipo de vehículos.

"Estamos a estudar as distintas alternativas, modelos e localizacións para que non interrompan a circulación", expuxo o responsable municipal, quen mantivo varias reunións co sector do taxi para facilitar a incorporación do coche eléctrico.

Por outra banda, neste acto, o edil informou que o Concello da Coruña ultima unha instrución para regular de maneira provisional o uso dos vehículos de mobilidade persoal na cidade.

Este borrador, que lles será presentado aos integrantes de la Mesa pola Movilidad a próxima semana, forma parte dunha serie de medidas deseñadas pola concellería para "transformar a mobilidade na nosa cidade", explicou o edil.