O cazador acusado de matar á cadela Alma declara no xulgado

O colectivo animalista El Refugio informa que H.C.V.G. vai declarar como investigado en Chantada acusado de disparar a Alma. A cadela recentemente parida que se fixo tristemente famosa ao publicarse o vídeo de como era arrastrada ferida de bala. Alma morreu poucos días despois nunha protectora, supostamente, por mor das feridas provocadas polo cazador investigado.

Capturas de pantalla do famoso vídeo dos malos tratos á cadela Alma

Nacho Paunero, presidente da asociación madrileña, personada como acusación na causa xudicial, explicará os datos máis relevantes deste procedemento penal mañá ás 10 horas en Chantada. 

Esa mesma mañá está previsto que o Xulgado de Primeira Instancia e Instrución Nº 1 de Chantada tome declaración ao acusado. Segundo alegou á Garda Civil cando investigou o caso, a cadela "abandonada" levaba varios días merodeando pola zona e era, na súa opinión, un perigo para a circulación.