A peaxe entre Vigo-A Coruña ida e volta rozará os 17 euros pola nova subida na AP-9

|

As subidas das peaxes para pagar obras están a converter á AP-9 nunha das autoestradas máis caras de España. De feito, se o Goberno non o remedia -e parece difícil que un Executivo en funcións poida facelo- a Autoestrada do Atlántico será a que máis suba en 2020 no Estado.


O factor principal é a compensación que se paga a Audasa polos 227,2 millóns que di gastou en ampliar Rande e ampliar ata catro carrís -obra cuestionable visto o nivel de tráfico ao rededor de Compostela- o tramo que rodea Santiago. Durante os próximos 18 anos a peaxe subirá un 1 por cento por este concepto.


Peajeautopistaap9 3


Ademais, os condutores pagan coas súas peaxes a gratuidade da viaxe de volta entre Vigo e Pontevedra, establecida en 2013, cando a pontevedresa Ana Pastor (PP) era ministra de Fomento. Se a isto sumámoslle o 0,84% que se estimade o IPC, temos un aumento global aproximado dun 2,5%.


O que provocará que, por exemplo, unha viaxe A Coruña Vigo encarézase  uns 50 céntimos. O importe total ida e volta alcanzará a nada despreciable cifra de case 17 euros para un Vigo - Coruña, traxecto que deben abonar todos os días miles de galegos.


NOUTROS LUGARES NON SUBIRÁN TANTO

A subida do 0,84% atribuída ao IPC é para todas as vías de peaxe do estado. Bo, non todas, escápanse por un tecnicismo as nove que foron ‘rescatadas’ polo Estado ao crebar durante a crise e que actualmente xestiona o Ministerio de Fomento. 


Esas nove autoestradas rescatadas son as catro radiais de Madrid, a M-12 que une a capital e o aeroporto, a AP-41 Madrid-Toledo, a AP-36 Ocaña-A Roda e os tramos da AP-7 entre Cartaxena e Beira, e a Circunvalación de Alacante.  


Hai outras dúas autoestradas estatais pasarán a mans públicas este ano por finalizar a concesión, polo que non aplicarán a subida. Serán a AP-7 entre Tarragona, Valencia e Alacante, e da AP-4 entre Sevilla e Cádiz.  


PRORROGADA AO MÁXIMO A CONCESIÓN

Pola contra, os galegos seguiremos pagando peaxes, se nada cambia, polo menos ata 2048. Iso a pesar de que inicialmente a concesión fixaba que a peaxe desaparecería como máximo en 2018. 


Con todo, diversas ampliacións e prórrogas executadas por gobernos de UCD, PSOE e PP ampliaron a súa xestión privada ao máximo legal, 75 anos e, ademais, con sobrepeaxes para pagar obras de ampliación, cuxa necesidade é, cando menos, cuestionable.



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress