Extel (Adecco) despide traballadores "por enfermar", denuncian varios sindicatos

O sector do telemarketing galego empeza a sufrir as consecuencias da doutrina do Consitucional que, aplicando a Reforma Laboral, permite despedir operarios que sufran certo número de baixas médicas

Os traballadores e traballadoras de Extel, do grupo Adecco, están chamados a secundar unha xornada de folga de 24 horas o luns, día 9, contra os despedimentos "por enfermar", segundo informan a CIG e CCOO.

En concreto, segundo denuncian, son "xa catro os despedimentos en menos dunha semana" xustificado a empresa a súa decisión "en que o Estatuto dos Traballadores ten desde hai case 40 anos un artigo que permite isto e que a reforma laboral de 2012 endureceu substancialmente a súa aplicación ao suprimir a referencia ao volume de ausencias totais no centro de traballo".

Tanto CCOO como a CIG anuncian a convocatoria de unha folga de 24 horas este lunes en rexeitamento tamén ás modificacións que, segundo explican, "impuxo a empresa sobre os repousos médicos e o uso das horas médicas".

"A empresa non admite agora os xustificantes médicos por repouso, tal e como era costume desde hai anos, obrigando así ao persoal para coller baixas dun día co único fin de executar despedimentos por absentismo".