Os estudantes galegos sitúanse á cabeza do Estado en ciencias, segundo o informe PISA

Galicia, líder en ciencias. O Informe PISA 2018, que publica este martes a Organización para a Cooperación e o Desenvolvemento Económico (OCDE), constatou unha mellora dos resultados alcanzados polos estudantes galegos, que se sitúan á cabeza de España en competencia científica e que escalan posicións en matemáticas.




|

Galicia, líder en ciencias. O Informe PISA 2018, que publica este martes a Organización para a Cooperación e o Desenvolvemento Económico (OCDE), constatou unha mellora dos resultados alcanzados polos estudantes galegos, que se sitúan á cabeza de España en competencia científica e que escalan posicións en matemáticas.


Imaxe de recurso dun taller de robótica.

Este documento recolle os resultados de 600.000 estudantes ao finalizar a educación secundaria en 79 países, que representan a 32 millóns de adolescentes de todo o mundo.

A comunidade galega ha logrado 510 puntos en ciencias. A pesar de descender en dous puntos respecto ao último informe (do ano 2015), Galicia encabeza a lista das autonomías e está a nove puntos de Castela e León e a 14 de Asturias (segunda e terceira, respectivamente). Deste xeito, mellora os resultados tanto da media de España (483) como dos países da OCDE (489).



Datos ciencias pisa



Os alumnos galegos tamén obtiveron bos resultados en competencia matemática, con 498 puntos e unha mellora de 4 respecto ao informe anterior. Con estas cifras, a comunidade supera tanto a media de España (481) como da OCDE (489) e escala tres postos na lista das autonomías, pasando do oitavo ao quinto lugar.


Datos MATES PISA



Galicia está, a ollos do baremo do informe, ao nivel de Alemaña, Suecia ou Finlandia en matemáticas e de Estados Unidos, Países Baixos ou Reino Unido en competencia científica.

O informe non inclúe, con todo, os resultados españois relativos á terceira das competencias analizadas (lectora). En concreto, detectáronse "anomalías" en "unha porcentaxe significativa" das probas realizadas o ano pasado en institutos de todo o país e, por iso, quedaron aprazadas as puntuacións mentres se investigan os feitos.

Na proba de fluidez de lectura houbo estudantes que resolveron 20 preguntas en menos de 25 segundos respondendo a todas con síes ou nons, algo que sucedeu en "un pequeno número de centros dalgunhas zonas de España", segundo a OCDE.

Os datos de competencia lectora de 2005 situaron a Galicia con 509 puntos (10 máis que en 2012), 13 máis que a media española (496) e 16 por encima da media da OCDE (493).

ESPAÑA, PEORES RESULTADOS

En termos xerais, España empeorou os seus resultados en todos os indicadores que analiza esta edición do Informe PISA.


Fotonoticia 20191203095009 1912879019 9999



Os estudantes españois obteñen 481 puntos en matemáticas, cinco menos que no anterior informe de 2015, e 483 puntos en ciencias, dez menos que fai tres anos. Este último dato representa o peor logrado desde 2006, cando se empezou a avaliar esta competencia en PISA.

Do mesmo xeito, o informe constata grandes diferenzas entre os resultados dos estudantes do norte de España e os do sur do país. Por exemplo, Galicia lidera a clasificación por comunidades en ciencias con 510 puntos, un resultado superior á media da OCDE, case 100 puntos máis dos que obteñen os estudantes de Ceuta, 415, que son similares aos de países como México ou Colombia.

DATOS POR CCAA

Por comunidades autónomas, Navarra logra os mellores resultados en matemáticas, 503 puntos (aínda que perde 15 respecto ao informe de 2015), case cen puntos máis que Ceuta, que pecha a lista española con 411. Por detrás de Navarra e superando a media dos países da OCDE atópanse Castela e León (502), Cantabria e Euskadi (499), Galicia (498), Aragón e A Rioxa (497), Asturias (491) e Cataluña (490).

A Comunidad de Madrid, con 486 puntos, e Baleares (483), sitúanse lixeiramente por encima da media española en matemáticas. Por baixo, están as comunidades de Castela-A Mancha (479), Región de Murcia (474), Comunidade Valenciana (473), Estremadura (470), Andalucía (467), Canarias (460), Melilla (432) e Ceuta (411).

Na clasificación de ciencias, Galicia desbanca, con 510 puntos, a Castela e León, que consegue 501 perdendo 18 en comparación con fai tres anos. Nesta competencia, os estudantes de Asturias (496), Cantabria (495), Aragón (493) e Navarra (492) teñen mellores resultados que a media da OCDE.

Os de Cataluña, con 489, obteñen a mesma puntuación da media internacional. Superando a media española en ciencias atópanse a Comunidad de Madrid, A Rioxa e Euskadi (487), e Castela-A Mancha (484), mentres que por baixo sitúanse Baleares (482), Región de Murcia (479), Comunidade Valenciana (478), Estremadura (473), Andalucia (471), Canarias (470), Melilla (439) e Ceuta (415).

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE