​Máis produtores de leite que en 2015 pero mesma realidade: Galicia segue á cola nos prezos

A pesar do repunte do pasado setembro que puxo o prezo do leite en 31,5 céntimos por litro (medio céntimo máis con respecto a agosto), os produtores galegos mantéñense en última posición en canto a competitividade e está máis dun céntimo por baixo da media española, hoxe en 32,6 céntimos por litro.


|

A pesar do repunte do pasado setembro que puxo o prezo do leite en 31,5 céntimos por litro (medio céntimo máis con respecto a agosto), os produtores galegos mantéñense en última posición en canto a competitividade e está máis dun céntimo por baixo da media española, hoxe en 32,6 céntimos por litro.


Vacas


O prezo do leite galego é o máis baixo de todo o Estado


Reflícteno os datos do Ministerio de Agricultura, que este luns volveu poñer de manifesto a mala situación da produción láctea do país, que aínda que arrincou o ano cobrando 31,7 céntimos por litro, hoxe está lonxe desa marca e dos estratosféricos prezos dos produtores asturianos (34,9 céntimos) e vascos (34,8 céntimos). 


MÁIS GANDEIROS; IGUAL DE POBRES

Con todo, o prezo do leite non ha desanimado a aqueles que quixeron lanzarse a competir nun sector no que hai tanta competencia. Desde 2015, a produción de leite en Galicia creceu un 5,76%, 1,5% máis que no resto de España.  Así o fixo chegar o director xeral de Gandaría, Agricultura e Industrias Agroalimentarias, José Balseiros, que cualificou a situación actual de "reestruturación positiva".

Balseiros tamén indicou que o aumento de produtores débese á aposta da Xunta no sector, como o plan estratéxico da Consellería do Medio Rural que está previsto que termine o próximo ano e que servirá "para analizar pormenorizadamente as características e a situación do sector, co fin de determinar despois unha estratexia adaptada ás súas necesidades".


A pesar deste apoio do executivo de Feijóo, a produción caeu o pasado setembro ás 224.062 toneladas, a cifra mensual máis baixa desde o pasado febreiro, mentres que en hoxe son 7.249 granxas que fan entregas, 250 menos das que había o 1 de xaneiro de 2019.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE