Máis de 100 películas, a maioría gratis, no programa da Semana de Cinema de Lugo 2019

|

Una das citas máis veteranas do audivisual galego chega á súa 41 edición cun programa repleto de citas interesntes e unha homenaxe a Antonio Mourelos


Presentación da 41 Semana de Cinema de Lugo.


A presentación da cita tivo lugar este martes no salón de Novas Tecnoloxías do Concello de Lugo, onde se mostrou tamén o cartel para esta edición, cuxas películas foron seleccionadas de tres produtoras.


O director da Semana de Cinema, Manuel Curiel, explicou que a selección das 130 cintas produciuse despois do ofrecemento de case 1.400 películas.

Das 130, destacou Curiel, "36 son filmes dirixidos por mulleres", á vez que fixo fincapé nunha maior presenza de cinema español, "un 70 por cento" dos títulos, abundou.

UNHA CITA CON HISTORIA
Pola súa banda, o presidente de Fonmiña, o grupo fotocinematográfico co que arrincou esta semana en 1979, Xulio Xiz, agradeceu a colaboración da Xunta de Galicia, Deputación, Concello e USC, con representantes na presentación, e que participan no orzamento para esta edición de 65.000 euros.

Xulio Xiz avanzou, ademais, que para esta edición pensouse "nun Paseo do Cinema" que irá desde a Avenida da Coruña ata o Auditorio Gustavo Freire.

HOMENAXE A ACTORES GALEGOS
Co devandito paseo perséguese tributar unha homenaxe a "lucenses ou galegos que foron importantes para o cinema en xeral", indicaron, para incluír aí a actores como Eduardo Fajardo, Manuel Lorenzo ou Rosario Durcal.

Á súa vez, adiantou a publicación de catro libros, que se entregarán en distintos pases no Vicerreitorado, no Auditorio ou na Biblioteca provincial. Un será o programa; outro, sobre os carteis da Semana, ademais doutro sobre Antonio Mourelos, o actor lucense ao que se agasalla este ano. Unha última publicación referirase a "históricos da fotografía" de Lugo, engadiu.

A MAIORÍA DAS ENTRADAS SERÁN GRATIS
Do total de películas, das 130, a "maioría" 112 os seus pases serán gratuítos e 18 terán "un prezo simbólico", puntualizou Xulio Xiz. Mentres, a concelleira de Cultura, a nacionalista Maite Ferreiro, que se confesou unha "cinéfila", celebrou que en Lugo vaian proxectar "películas que non son fáciles de atopar" no circuíto comercial.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress