As vítimas do Alvia denuncian levar un ano ignorados por Fomento

|

A plataforma de vítimas do accidente de Angrois denunciaron que levan "365 días ignorados" polo ministro de Fomento, José Luis Ábalos, a pesar de que este asegurou que "recibiría" aos afectados polo accidente "cada vez que faga falta".


Accidente do Alvia en Angrois


Nun comunicado remitido aos medios, a plataforma Vítimas Alvia 04155 lembrou que hai un ano solicitou formalmente unha reunión ao titular de Fomento para ver como avanzaban as propostas trasladadas, como a posta en marcha dunha investigación independente.

"É indignante que nin sequera nos conteste, máis aínda cando o pasado mes de xuño o señor ministro dicía que recibiría ás vítimas cada vez que faga falta", asegurou a plataforma, que explica que, ante esta falta de resposta, pediron tamén unha reunión co presidente do Goberno, quen tampouco lles respondeu.

A plataforma, así mesmo, censurou que o titular de Fomento asegurase que ás vítimas só interésalles as responsabilidades xudiciais. Así, lembroulle ao ministro que "en democracia existen tres tipo de responsabilidades: as penais, as técnicas e as políticas".

"As vítimas levamos seis anos esixindo que se depuren todas", subliñou a plataforma, que asegura que o trato que lles dá o ministro non é "nin democrático nin humano". "Máis aínda cando falamos de cargos públicos, cuxo principal obxectivo debe ser o de estar ao servizo da cidadanía e da verdade", indicou.

Por último, a plataforma censurou que, "tras seis anos de loita, 80 mortos e 140 feridos, aínda non hai unha investigación técnica independente". "A Unión Europea, nun durísimo informe, concluíu que o goberno non cumpriu de forma adecuada coa obrigación de investigar o accidente pola falta de independencia da Comisión de Investigación de Accidentes Ferroviarios (CIAF)", apuntou.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress