Durante moitos días, a sociedade española estivo pendente de Gabriel, un neno de Almería que desaparecera cando ía de casa da súa avoa á doutro familiar. Era unha distancia duns cen metros, nunha pedanía onde os seus habitantes coñécense. Foron días de angustia para a familia, que non entendía como puidera desaparecer sen que ninguén se decatou e quen llo levou.

Ana Julia Quezada xuízo

Todos lembramos o suceso, tan triste, cando a Garda Civil deu coa asasina do pequeno, que non era outra que a parella sentimental do pai, quen participara activamente na procura do neno e da que ninguén sospeitaba, excepto os membros da Benemérita, que empezaron a sospeitar dela.

A detención de Ana Julia Quezada, como autora do asasinato atroz do pequeno, deixou xeados aos millóns de persoas que seguiran con angustia a procura de Gabriel. Ninguén llo podía crer. Foi un duro golpe para os pais, familiares e amigos, así como para a xente que estivera pendente da procura do pequeno e que esperaba outro desenlace.

Despois dun ano en prisión, finalmente celebrouse o xuízo da xa considerada asasina Ana Julia, con un xurado popular integrado por sete mulleres e dous homes que este xoves finalizou as súas deliberacións, cuxas conclusións determinan como asasinato con aleivosía. A decisión do xurado coincide co relato da Fiscalía, que pide para a autora confesa prisión permanente revisable, e tamén 10 anos por dous delitos de lesións psíquicas e catro polos de integridade moral.

Con esta sentenza, Ana Julia é a primeira muller á que se lle aplicaría a prisión permanente revisable, aínda que os seus avogados anunciaron que recorrerán a sentenza.

As imaxes de Ana Julia que mostraron as distintas televisións ao longo do proceso xudicial han deixado ver a imaxe de unha muller fría, sen sentimentos, manipuladora e teatrera que non enganou ao xurado, á súa filla e á sociedade que estivo pendentes do mesmo.

A presenza de sete mulleres no xurado -máis os dous homes que completaban o tribunal - certificou que á hora de xulgar á autora, cunhas probas tan contundentes achegadas pola Garda Civil que non deixaban a menor físgoa de dúbida, non tiveron piedade á hora de tomar a decisión que levou á asasina para quedar no cárcere por tempo indefinido. Sete mulleres, moitas delas nais de familia, que foron implacables coa rea.

Ana Julia é considerada por algúns especialistas como unha psicópata. Os psicópatas din que non teñen emocións; outros, en cambio, din que si, aínda que só en circunstancias concretas, e saben utilizalas para enganar, como se puido comprobar coas actuacións de pranto da acusada. Como se puido apreciar, a condenada, cando coñeceu a sentenza e sabendo que xa non podía influír no xurado e na fiscal, non mostrou ningún signo, e as bágoas deixárallas na súa cela.