O PSOE arrasaría en Santiago de repetirse as eleccións xerais, segundo o novo barómetro do CIS
Os morados ocuparían a terceira posición se hai eleccións xerais, sacando en Santiago o 9,7 por cento.Tampouco hai datos sobre o BNG, a pesar de que foi a cuarta forza máis apoiada nos comicios locais na primavera.
O Centro de Investigacións Sociolóxicas (CIS) publicou o Estudo Postelectoral tras Eleccións Autonómicas e Municipais. Como en Galicia non houbo comicios, non hai cifras de ámbito autonómico. De feito, os únicos datos galegos desagregados refírense concreto á capital do país.
En Santiago de Compostela o PSOE seguiría sendo o máis votado na probable repetición das eleccións xerais, cun 30,7% do apoio dos 300 entrevistados no baremo que suma voto máis simpatía. O PPdeG quedaría en segunda posición, pero aínda moi lonxe dos socialistas, cun 15,7%.
Por Compostela Aberta non se pregunta en concreto, dado que non é de ámbito estatal. Si se pregunta por Podemos, partido que apoia á coalición que lidera o ex-alcalde Martiño Noriega. Os morados ocuparían a terceira posición se hai eleccións xerais, sacando en Santiago o 9,7 por cento.
Tampouco hai datos sobre o BNG, a pesar de que foi a cuarta forza máis apoiada nos comicios locais na primavera. Si hai datos de Cidadáns, que sería quinto, pero con só o 4%. A outros partidos sen identificar o CIS dálles o 8,3%.
Por variables socioeconómicas, os conservadores serían os máis apoiados só entre os xubilados e os obreiros non cualificados. O PSOE serían os gañadores entre o resto de categorías, segundo pódese apreciar na seguinte táboa:
Código das categorías
A.Empresarios/as con asalariados/as, altos/as funcionarios/as, altos/as executivos/as e profesionais por conta propia
B.Profesionais e técnicos/as por conta allea, e cadros medios
C.Comerciantes e pequenos/as empresarios/as (sen asalariados/as, non agrarios/as)
D.Agricultores/as (empresarios/as sen asalariados/as e membros de cooperativas)
E.Persoal administrativo, comercial e de servizos
F.Capataces/zas e obreiros/as cualificados/as (non agrarios/as)
G.Obreiros/as non cualificados/as (agrarios/as e non agrarios/as)
H.Xubilados/as e pensionistas
I.Parados/as (que traballaron antes e en busca do seu primeiro emprego)
J.Estudantes
K.Traballo doméstico non remunerado
L.Situacións non clasificables
PODEMOS QUEDARÍA TERCEIRO A NIVEL ESTATAL
A nivel estatal, o CIS estima para o PSOE un 32,2% de apoios, seguido do PP cun 12,8%, mentres que Podemos e as súas confluencias figuran en terceiro lugar cun 10,4% de respaldo.
Cidadáns, pola súa banda caería á cuarta praza, cun 8,6%, mentres que Vox quedaría cun 3,5%.
Pedro Sánchez en Santiago nun acto da pasada campaña / EP
Escribe o teu comentario