​Que é o botulismo? Detrás da toxina botulínica atopada nunha lata de atún galega

O botulismo é unha enfermidade que se produce pola inxestión de alimentos contaminados coa toxina botulínica, segundo informa a Clínica Universidade de Navarra. A enfermidade caracterízase por provocar secura bucal, náuseas e vómitos, ademais de parálise muscular progresiva, mareos e, en ocasións, problemas respiratorios.

Latas de atún similares á do produto investigado

Os alimentos que conteñen esta toxina contamínanse por dúas vías: ou ben por unha mala preparación; ou ben por un fallo na conservación do alimento. No caso das latas de atún que están a ser investigadas da marca Frinsa a hipótese dunha mala conservación por parte dos consumidores é a que está a gañar peso nestes momentos, segundo fontes próximas á compañía. Con todo, iniciáronse os protocolos para a retirada da partida que pode estar contaminada ademais das análises de todos os lotes sospeitosos.

BOTOX

Esta toxina é comunmente utilizada para usos destinados á clínica estética. As inxeccións de botox provocan unha parálise muscular onde se aplique -xeralmente úsase na cara para previr a formación de engurras ou suavizar aquelas xa existentes-.   

Con todo, tambien é un elemento utilizado en áreas como a neuroloxía para fins terapéuticos