Estes son os 32 trens que non circularán en Galicia pola folga en Renfe

|

O sindicato convocante denuncia que Renfe non está a cumprir a promesa de contratar máis traballadores e pide a Fomento que mova ficha


A folga convocada polo sindicato SFF-CGT entre as 12,00 e as 16,00 horas e de 20,00 a 0,00 horas prevista para este mércores 14 de agosto afectará a un total de 32 trens.


O servizo de Renfe a discapacitados realizou máis de 41.200 asistencias en Galic



Renfe estableceu uns servizos mínimos do 68% na media distancia de Galicia, co que a folga se materializará na supresión de 20 trens de media distancia e seis de longa distancia.

Tamén quedarán suprimidos os trens Galicia-Euskadi, o tren hotel que conecta Galicia e Madrid e os internacionais Vigo-Porto-Vigo da tarde.


En concreto, segundo informa a central nun comunicado, serán unha vintena de trens con percorrido dentro da comunidade, como o Vigo-Urzaiz-A Coruña das 11,15 horas e o Santiago-Vigo-Guixar das 22,00 horas.


MENOS CONEXIÓNS CON PORTUGAL E MADRID

Tamén afectados veranse 10 trens de longo percorrido, entre eles un Vigo Guixar-Porto e un Madrid-A Coruña, e outros dous trens con percorrido xa o día 15 de agosto (Monforte-Pontevedra e A Coruña-Ferrol).


RECLAMACIÓNS DO SINDICATO CONVOCANTE

Así, continuarán os paros, despois de que CGT remitise unha carta ao Ministerio de Fomento na que solicita a súa intervención no conflito. "O que estamos a pedir é un aumento do nivel de contratación atendendo á falta de persoal existente, que está a repercutir negativamente no servizo", lembra a organización.


En concreto, refire carencias en condución, intervención, venda de billetes, mantemento de trens e administración e xestión. De non chegar a un acordo,   continuará con paros o 30 de agosto e o 1 de setembro.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress