Operación policial contra fraude de subvencións europeas en varias localidades

|

Empresas de Vigo e doutras localidades intercambiaban presuntamente facturas con Portugal para justifical axudas. Hai polo menos 10 investigados na Operanción Frangus.


A Garda Civil e a Policía Judiciaria portuguesa realizaron a pasada semana varios rexistros en distintas empresas da provincia de Pontevedra e investigaron penalmente por un delito fiscal a 10 persoas vinculadas cunha operación aberta en Portugal para indagar sobre un posible caso de fraude relacionada cos fondos da Comunidade Económica Europea.


Operación
DENUNCIA DE PORTUGAL
Segundo informou o Instituto Armado, por mor dunha orde europea de investigación instada polas autoridades xudiciais portuguesas, por conduto do Xulgado de Instrución número 4 de Vigo, a Unidade Orgánica de Policía Xudicial da Garda Civil de Pontevedra, activou un protocolo de cooperación internacional coa Policía Judiciaria do país veciño, no marco da denominada 'Operación Frangus', que concluíu con catro rexistros e la notificación de dez persoas por un delito fiscal.

A orde europea de investigación xurdiu por mor das investigacións que se están levando a cabo en Portugal sobre supostos fraudes en subvencións concedidas pola Comunidade Económica Europea.

INTERCAMBIO DE FACTURAS
As mesmas fontes explicaron que no marco destas investigacións púidose pescudar que existían empresas en ambos os países que tiñan establecido entre elas un circuíto de facturacións para obter fondos comunitarios do programa 'Portugal 2020'.

Para iso, as empresas españolas, algunhas das cales estaban administradas por cidadáns portugueses, "poderían estar a emitir facturacións falsas para as sociedades portuguesas, chegándose a verificar que algunhas das sociedades que conformaban o armazón figuraban dirixidas polo mesmo administrador", indicou a Benemérita.

En total investigáronse a 10 persoas por delito fiscal e realizáronse catro rexistros na provincia de Pontevedra, que levaron a cabo de forma simultánea a pasada semana en distintas sociedades situadas nos municipios pontevedreses de Vigo, O Rosal e Oia.

DOCUMENTACIÓN INTERVIDA
Nos rexistros procedeuse á incautación de numerosa documentación relativa a balances, extractos de contas correntes, declaracións fiscais, comprobantes de pago, entre outros, que, consideran as mesmas fontes, "poden ser determinantes para esclarecer os feitos investigados", nos que o montante da cantidade defraudada pode superar os 20 millóns de euros.

A falta dunha análise pormenorizada da documentación intervida nos rexistros, despréndese que a facturación destas sociedades, subliñan as mesmas fontes, "non responde a negocios subxacentes reais, senón máis ben que estaban orientadas exclusivamente a xustificar de forma fraudulenta as solicitudes de subvencións de fondos europeos".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress