Denuncian falta de persoal nos parques de bombeiros

Tras o escándalo que salpicou a Veicar -a principal concesionaria privada de parques de bombeiros de Galicia- na Operación Enredadera, todas as deputacións provinciais -salvo a de Ourense- empezaron a recuperar o modelo de xestión pública directa. Un cambio que está a provocar problemas, polo menos en Lugo.

Motobomba de Veicar

Segundo un comunicado remitido por un grupo de bombeiros, os recentes despedimentos no Conscorcio de Bombeiros provincial de Lugo están a provocar "falta de persoal". "Tras só 2 meses e medio do paso da xestión privada á xestión pública dos parques de bombeiros comarcais de Lugo, a deputación de Lugo xa executou algún despedimento e prevense máis", advirten.

A situación podería ir a peor ademais porque se están acabando as horas extras que poden facer os traballadores que quedan, 80 ao ano segundo a lei. 

O parque de Barreiros  ten 4 baixas por cubrir 1 delas definitiva, e Monforte de Lemos con 3 baixas por cubrir ; aseguran os bombeiros, quienen ven absurdo que se despida agora a un compañeiro interino cando se arrastran estas vacantes. "Estamos ante un aminoramiento de persoal importante que ás empresas nunca se lles permitiría, deficiencias que acaban repercutindo na poblaciòn lucense", laméntanse.