​Optimismo xeneralizado sobre o Pazo de Meirás e o seu máis que posible retorno a propiedade pública

O edificio señorial, en mans a familia Franco, está máis preto que nunca de ser recuperado como patrimonio público despois da demanda presentada contra a familia Franco no Xulgado de Primeira Instancia Número 1 da Coruña por parte da Avogacía do Estado. No escrito reclámase a propiedade do inmoble para o Estado, alegando que a súa adquisición por parte dos Franco foi "simulada e fraudulenta", a súa administración mediante fondos e persoal públicos, e o uso que se lle deu durante a ditadura franquista.

O goberno central trata de recuperar o Pazo de Meirás de mans da familia Franco

O estudo xurídico da Avogacía do Estado desvelou un documento que demostraría que Francisco Franco "falseou o título co que inscribiu o Pazo ao seu nome no Rexistro da Propiedade". Un pazo, cabe lembrar, que a pesar de estar catalogado como Ben de Interese Cultural, usouse en democracia para "facer apoloxía da ditadura franquista e da figura do propio Franco”, como denuncian diversos grupos políticos, sen respectar a familia Franco os días de apertura ao público polos que estaba obrigado como BIC.

COMISIÓNS DE EXPERTOS

As dúas comisións de expertos encargadas de avaliar a posible recuperación do pazo (impulsadas polo Parlamento de Galicia e a Deputación da Coruña), consideran que a demanda conta con “razoables posibilidades de éxito”.

Ambas se felicitaron polo “traballo ben feito” e por este paso firme cara á devolución do inmoble a propiedade pública. Do mesmo xeito, as dúas comisións consideran que a demanda está “ben fundamentada” e que agora só depende “dos ritmos, tempos e lóxicas” da xustiza.

XUNTA DE GALICIA

Nun primeiro momento a Xunta de Galicia decidiu actuar con cautela ante a reclamación por vía xudicial do Goberno de España. O presidente autonómico Alberto Núñez Feijóo advertiu tras a reunión coa súa executiva que, aínda que celebraban a postura estatal, existían “dificultades” de “legitimización” para que a administración galega acudísese na causa.

Feijóo reiterou a loita do seu goberno por recuperar o pazo a dominio público por “razóns legais, non políticas” e subliñou que o Parlamento de Galicia, coa aprobación unánime da cámara, xa instou o goberno central a reclamar que o inmoble era patrimonio público e non unha propiedade privada.

A Xunta ve viable acudirse na causa

A pesar das dúbidas iniciais e despois de estudar detidamente a causa, os servizos xurídicos de la Xunta si “ven posible” que o goberno galego acúdase no proceso. Así o expresou Feijóo en redes sociais, supeditándoo a que se confirme a valoración inicial. Do mesmo xeito, volveu expresar a súa “satisfacción” pola reclamación por parte da Avogacía do Estado.

Tamén o Concello de Sada acudirase na causa, tal e como manifestou Benito Portela, rexedor da localidade, que celebrou que a Avogacía do Estado coincida coas teses das dúas comisións que avaliaron o caso, traballos que permitiron “marcar o camiño” como manifestou a Deputación da Coruña.

PSDEG, BNG E EN MAREA

Ademais de la Xunta, os partidos que conforman o Parlamento de Galicia expresaron a súa alegría ante a noticia. Desde o PSdeG aproveitaron a ocasión para destacar que o goberno de Sánchez “ten palabra” e “cumpre cos seus compromisos”. Gonzalo Caballero, líder dos socialistas galegos, argumentou que a reclamación se fai “coa máxima seguridade xurídica” e que este é un paso fundamental para devolver a residencia “ao ámbito público e póñase ao dispor da cidadanía”.

Con máis reservas pronunciáronse desde o BNG, que aínda que trasladaron a súa satisfacción polo anuncio, llamarón a “non baixar a garda” e manter a “presión social” contra a familia do ditador, que contratacará nos xulgados. De igual maneira, reclama “valentía” ao goberno central para o proceso e que se probe dunha vez por todas que os Franco se fixeron co complexo a través de “un xigantesco espolio e un roubo ao pobo galego”.

Por último, desde En Marea, valoraron o “paso importante” dado polo goberno central e que supón “un novo fito nesa loita de moitos anos, sobre todo da sociedade civil e dos colectivos da memoria”. Ademais, o portavoz Antón Sánchez remarcou que se trata dun traballo conxunto “co esforzo de moita xente” e que a recuperación do pazo permitirá avanzar  cara á “recuperación dunha memoria democrática da xustiza como base para que non se repita na historia ningún tipo de acontecemento parecido ao que aconteceu no país en 1936”.

FAMILIA FRANCO

Os herdeiros do ditador non tardaron en saír ao paso despois do anuncio e achacaron a demanda a unha “estratexia de acoso e derriba” orquestrada polo goberno de Pedro Sánchez contra a familia Franco.

Esas foron as palabras do avogado dos Franco, Luís Felipe Utrera Molina, que cargou contra o goberno pola súa “falta de cortesía” e “falta de elegancia” por filtrar a demanda á prensa. Con todo, expresou que a familia está “tranquila” e que teñen convencemento de que as demandan “que poñan en dúbida a lexitimidade da titularidade do pazo” están “encamiñadas a ser absolutamente desestimadas”.