Corte de tráfico na AP-9 polo accidente dun camión que transportaba madeira e perdeu a carga en Portas
Vinte minutos despois do sinistro produciuse unha colisión entre dous turismos con tres feridos leves.
Un accidente dun camión que transportada madeira obrigou a cortar a AP-9 en Portas (Pontevedra) ao caer a carga. Polo momento continúan pechos dous carrís -- un en cada dirección -- da autoestrada.
Segundo informou a Garda Civil consultada por Europa Press, o accidente tivo lugar ás 17:39 horas da tarde á altura do Concello de Portas (Pontevedra) e o condutor saíu ileso.
O camión, que portaba labras de madeira, chocou contra a mediana tras rebentar unha das súas rodas na AP9. O accidente provocou cortes en ambos os carrís no quilómetro 114 polo desprazamento da carga do vehículo.
COLISIÓN POR ALCANCE
Aproximadamente vinte minutos despois e cun quilómetro de diferenza produciuse unha colisión por alcance entre dous turismos que circulaban no quilómetro 113.
Informa a Garda Civil que tres persoas resultaron feridas leves.
Escribe o teu comentario