Continúa desaparecida desde o xoves unha menor discapacitada de Nigrán

As forzas policiais manteñen a procura dunha menor, de 17 anos de idade, que está desaparecida desde o pasado xoves, cando saíu da súa casa para ir á academia na que estuda e non volveu.

A menor desaparecida / Foto: CRTVG

Segundo confirmaron a Europa Press fontes policiais, a nena vive nun piso tutelado pola Xunta e os seus achegados cren que puido dirixirse a Nigrán (Pontevedra).

A familia pediu axuda para localizala porque necesita medicación, xa que está en tratamento psiquiátrico e padece unha discapacidade.