​(VÍDEO) A peculiar campaña do candidato “cambia chaquetas” de Cidadáns en Ferrol

O outrora concelleiro do Partido Popular, Alejandro Langtry, renunciou ao seu posto o pasado ano para enrolares nas filas da formación laranxa, coa que aspira a alcanzar a alcaldía.

A cidade de Ferrol vive inmersa nunha guerra sen cuartel por alcanzar a alcaldía con ata once candidaturas que aspiran a gobernar a cidade departamental: PP, PSOE, BNG, Marea de Ferrol, Ferrol en Común, Vox, Xuntos Actúa, Ligando, CCD-Centristas, Sentimento Ferrolán e Cidadáns. É este último partido o que quizais lanzou o slogan e a campaña electoral máis chocante de todos.

A formación laranxa concorrerá ás eleccións con Alejandro Langtry como candidato. Con todo, Langrtry non é un descoñecido para os corredores do consistorio ferrolán. No pasado “vestiu a casaca” do Partido Popular e foi concelleiro na última lexislatura, ata que renunciou ao seu posto por non compartir os proxectos e visións do que por entón era o seu grupo.

A sorpresa chegou semanas despois da súa renuncia, cando se anunciou que se enrolaba no equipo rival: Cidadáns. “Algúns din de min que son un cambia chaquetas…e en realidade poida que sexa certo”. Así arrinca, baixo o título de ‘O Cambia Chaquetas’, o peculiar anuncio publicitario do candidato na súa nova etapa.

O candidato de Cs explica os motivos que lle levaron a cambia de bando e deixar “un partido condenado por corrupción”, “que abandonou Ferrol” e que “só quere contentar aos de Santiago e aos de Madrid”, como di o propio Langtry no vídeo.

“Ás veces na vida é necesario tomar decisións difíciles e cambiar aquilo que non funciona”, advirte o candidato. “E ti? Non cambiarías por Ferrol?”, conclúe a audaz campaña.