Nin pacto de investidura nin de goberno na reunión de Sánchez e Iglesias
Pablo Iglesias avanzou "a necesidade de colaboración entre as forzas progresistas" e pediu paciencia para avanzar nas negociacións.
A reunión entre o presidente do Goberno en funcións, Pedro Sánchez, e o secretario xeral de Podemos, Pablo Iglesias, terminou tras máis de dúas horas de conversación no Palacio da Moncloa.
Trátase do encontro máis longo que Sánchez mantivo esta semana cos partidos que máis representación obtiveron nas eleccións xerais do pasado 28 de abril.
Nunha breve rolda de prensa na sala briefing do Palacio da Moncloa, Iglesias tan só sinalou que ambos acordaron "traballar" para poñerse de acordo, pero pediu "paciencia" porque ese traballo vai ser "longo" e requirirá de "discreción" e "prudencia".
Os socialistas rexeitan en principio incluír a Podemos no Goberno e só se abren a contar con persoas "independentes de recoñecido traballo". A opción preferida polo PSOE é pactar con Unidas Podemos un programa de goberno que non supoña a entrada de ministros 'morados' no Executivo.
Escribe o teu comentario