Asasina ao seu compañeiro por publicar un vídeo sexual e de drogas

|

O presunto asasino, que exercería a prostitución, confesa e alega unha discusión por un vídeo e débedas do aluguer


O home detido tras confesar que matou o seu compañeiro de piso na Coruña supostamente fíxoo cun cinto tras manter unha discusión porque, segundo alegou, difundira un vídeo de contido sexual no que tamén se lle vían consumindo substancias estupefacientes.



Comisaria coruña

Comisaría na Coruña


Segundo fontes da investigación consultadas por Europa Press, o arrestado, R.D.R., de 28 anos e nado en Uruguai, avisou á Policía do sucedido sobre as 1,40 horas deste venres nun cuarto piso do número 7 da rúa Honduras, no barrio de Labañou da cidade herculina.


CONFESIÓN

O presunto autor dos feitos, que esperou no portal aos axentes, manifestou aos policías que acudiron á vivenda que matara ao seu compañeiro de piso cun cinto tras unha discusión na vivenda na que residía xunto a outras dúas persoas máis.


OUTRO COMPAÑEIRO NIN SE DECATOU

Ao acceder ao piso, segundo fontes próximas á investigación, os policías acharon a outro morador que descoñecía o sucedido e que ocorrese un episodio violento porque estaba cos cascos postos na súa habitación, unha das catro que hai no domicilio.


Os policías localizaron á vítima tendida no chan doutra habitación coa cara tapada e cun cinto encima do corpo.


PROSTITUCIÓN CON HOMES E MULLERES

Segundo as mesmas fontes, o detido e a vítima coñecíanse desde hai anos e dedicábanse supostamente á prostitución. Ademais, o mozo admitiu desavinzas porque supostamente o seu compañeiro de piso difundira por redes sociais un vídeo de contido sexual no que tamén se lle vía consumindo substancias estupefacientes.


Por iso, e supostamente por unhas débedas pendentes relativas ao pago da súa estancia no piso que compartían con outros dous compañeiros, comezaron a discutir e o mozo posteriormente detido apertoulle o pescozo cun cinto.


O caso, que investiga a Policía Nacional, está baixo secreto de sumario e o presunto autor atópase detido á espera de pasar a disposición xudicial.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress