A Xunta gasta 68.000€ en pagarlle á patronal mineira propaganda para escolares (vídeo)

|

A patronal mineira galega recibirá de la Xunta máis de 43.700 euros para facer propaganda sobre a minería nas escolas e outros 25.000 para un libro infantil. A pesar das protestas de asociacións de pais e doutros colectivos, a Consellería acaba de concederlles estas subvencións.



Propaganda mineira

Captura de pantalla do material que copaga a Xunta


Así se recolle no DOG deste martes. Son en concreto 43.761,12 euros de subvención para a Cámara Oficial Mineira de Galicia a "creación de unidades didácticas sobre minería para nenos".


Ademais, a Asociación Galega de Áridos recibirá outros 25.884,11 euros para a elaboración do segudno número de «Vos áridos, un día na canteira con Lagartiño».  O primeiro número, editado fai máis dunha década, foi presentado pola Asociación Galega de Áridos no seu día para "ensinar aos escolares galegos a importancia da extracción de materiais arenosos nos aspectos cotiáns da vida e para o desenvolvemento económico da comunidade autónoma". O novo libro presentouse hai unhas semanas, suscitando protestas de ambientalistas como a Rede Contraminacción.



Vos aridos presentacion libro

O secretario xeral Valentín García cos membros da patronal na presentación do libro infantil 


Estas subvencións concédense a pesar das protestas de boa parte da comunidade educativa. Por exemplo, a Confederación de ANPAS Galegas acaba de mostrar a súa "profunda preocupación" ante a presentación de "materiais supostamente educativos destinados a nenas e nenos de infantil, primaria e secundaria". 


Este grupo de proxenitores acusa o Goberno de axudar a "dulficar os impactos ambientais" de minas como a de Touro, Corcoesto, San Finx, etc. 


Polos materiais publicados ata agora, como estes vídeos,  é evidente que os contidos subvencionados con diñeiro público só dan unha visión de parte, logicamente interesada; a visión das empresas mineiras, obviando os inherentes riscos para a saúde e o impacto no medio:











relacionada Menos investimento do maior fondo soberano do mundo na mineira de Touro

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress