Stellantis Vigo salta das paradas a unha "alta produción" en novembro: "Só vemos precariedade e improvisación"

De 0 a 100 en cuestión de días. A planta de Stellantis Vigo parece non coñecer o termo medio, pois aínda que pechará outubro cun parón na produción desde o día 29 até o 2 de novembro, o penúltimo mes do ano vén con curvas. Así o denuncia desde a Central Unitaria de Traballadores (CUT), que critica que en Balaídos se pase "de paradas forzadas" a "alta actividade" de maneira case inmediata.

"MONTAÑA RUSA LABORAL"

"Onde está a planificación?", pregúntanse desde o sindicato, que leva anos denunciando a "imprevisibilidad de Stellantis", incapaz de establecer un calendario de produción como piden desde a CUT. Por outra banda, o anuncio chega nun momento crítico, pois a automoción contén o alento ante a previsión de que volvan as vacas fracas ao redor dos compoñentes, claves para a produción nas plantas europeas. 

No entanto, en novembro non se verá ese bajón de produción, aparentemente, pois na "imprevisibilidad crónica" da planta olívica o salto dos paros a finais de outubro dará paso a un período de alta actividade "con programación intensiva os sábados e domingos, e sexta xornada para quenda de noite".

"Esta montaña rusa laboral non só vulnera os dereitos á conciliación familiar e á información clara, senón que pon en evidencia a falta de estratexia real da multinacional, que prioriza os stocks e os beneficios por encima das vidas das traballadoras e traballadores", insisten desde a CUT no seu comunicado, onde reprenden a Stellantis por esta circunstancia "inaceptable" ao pasar "de pechar liñas de produción por 'axuste de stocks' e baixa demanda, a esixir agora 'alta actividade' sen ningunha transición lóxica". 

"Isto non é planificación; é caos imposto", lamentan, á vez que subliñan que esta deriva afecto tanto aos petos dos traballadores como á conciliación. "Esta imprevisibilidade é unha vulneración sistemática dos nosos dereitos laborais, e a dirección é a única responsable", apostilan. 

ERTE, DESPEDIMENTOS....

Non é a primeira vez que se dá un episodio así na factoría viguesa, pois nos últimos meses foron varias as xornadas afectadas pola produción, xa fose por falta de pezas, por cuestións loxísticas, por axustes da demanda ou, mesmo, pola vaga de incendios que arrasou Galicia e que impediu o aprovisionamento. 

Desta forma, os paróns traducíronse en ERTE de até 85 días no que vai de ano, segundo as contas da CUT, que agrega a extinción de preto dun centenar de contratos, escudar a dirección en "causas organizativas". "Stellantis fala de 'priorizar ingresos e volumes' no seu plan global, pero aquí só vemos precariedade e improvisación para as persoas traballadoras", resolven.