Convocada manifestación en defensa do galego na administración

|

A sentenza do Tribunal Supremo que tumba parte da ordenanza municipal de normalización lingüística de Lugo, suscita una mobilización a pé de rúa. Convócaa Queremos Galego, a plataforma composta por máis de 700 entidades.



Queremosgalegomanifestacion

Unha pasada protesta a prol do galego


A concentración será o mércores 6 de marzo, ás 12h fronte ao Concello de Lugo.  Os organizadores consideran o ditame, , que ratifica outra anterior do Tribunal Superior de Xustiza de Galicia (TSXG), unha "unha aldraxe contra a dignidade do conxunto do pobo galego".


DESIGUALDADE LEGAL ENTRE LINGUAS

Quremos Galego argumenta que os xuices discriminan na práctica  por razón de lingua; ao primar o "suposto dereito de descoñecemento do galego por parte das empresas emprestadoras de servizos á administración municipal fronte ao dereito a empregalo e ser atendido en igualdade de condicións por parte das e dos cidadáns". Cómpre lembrar á desigualdade de raíz existente na lexislación vixente; coñecer español é unha obriga, mentres que as linguas autonómicas son só un dereito nos seus correspondentes territorios.  


"Que liberdade hai de empregar o galego se as empresas concesionarias da administración non teñen que ofertala? A única liberdade que vén de recoñecer o TS é a destas empresas para excluír aos falantes de galego de servizos públicos", engaden os activistas a prol da lingua propia do país.


relacionada Nace Galegoempresas, unha rede para demostrar que a lingua galega é un activo empresarial
relacionada A Mesa critica a sentenza “ideolóxica” do Tribunal Supremo pola ordenanza de normalización

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE