Nace Galegoempresas, unha rede para demostrar que a lingua galega é un activo empresarial

|

Unhas 30 empresas formarán parte do proxecto Galegoempresas, unha web na que as entidades de Santiago de Compostela, Ames e Teo poderán sumarse para impulsar a relación co cliente en galego. A iniciativa foi presentada polo alcalde da capital galega, Martiño Noriega e as concelleiras de Normalización Lingüística de Ames, Isabel Baquero, e de Teo, Pilar Faxil, xunto ao responsable do proxecto, Óscar Maceiras.


Presentación do proxecto Galegoempresas, de Santiago, Ames e Teo,

Concretamente, trátase dun directorio de empresas radicadas nestes tres municipios que ofrecen servizos de todo tipo e establecen a súa relación e comunicacións na lingua propia. As entidades teñen que cubrir unhas fichas e verificarase que posteriormente cumpren cos requisitos establecidos.

INTERVENCIÓNS DOS TRES CONCELLOS QUE APOIAN
O alcalde compostelán ha remarcado que o obxectivo es "poñer en valor aqueles negocios nos que a lingua adquire visibilidade" e facer "un recoñecemento á calidade na atención por parte destes negocios".

Na súa intervención, a concelleira de Normalización Lingüística de Ames destacou que este proxecto busca "visibilizar a aquelas empresas e establecementos" e "pode ser unha ferramenta importante para os consumidores", que contarán cunha "diferenciacion da oferta". "A lingua é un valor intanxible a posicionarse ante os consumidores", destacou.

Pola súa banda, Pilar Faxil remarcou que a oferta do servizo en galego é un valor de "proximidade, boa atención, calidade e compromiso", como así os transmite a lingua. Ao seu xuízo, o galego debería ser un "vehículo comunicador".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress