A mineira de Touro pretende "suprimir" varios ríos durante meses, alertan ecoloxistas
A empresa que explota a actual mina de Touro pretende eliminar varios ríos durante máis de seis meses para esconder a contaminación "por acidez e alta carga de metais pesados". Así o denuncia ADEGA despois de acceder á documentación presentada na Xunta.
A empresa que explota a actual mina de Touro pretende eliminar varios ríos durante máis de seis meses para esconder a contaminación "por acidez e alta carga de metais pesados". Así o denuncia ADEGA despois de acceder á documentación presentada na Xunta.
Proxecto presentado por Explotacións Galegas, segundo ADEGA
En opinión da asociación ecoloxista, estamos ante unha estrataxema para "andar mareando as augas contaminadas no canto de tratalas e escondelas baixo a alfonmbra da balsa de Vieiro". Ademais, os conservacionistas conclúen que a mineira está tentado "branquear un proxecto que cada vez mostra máis vías de auga, todas elas contaminadas".
Refírense ao proxecto de reabrir a mina de cobre en Touro. Promóveno Cobre San Rafael -do mesmo grupo que Explotacións Galegas, que xestiona a actual canteira- e a multinacional Atalaya Minning.
SANCIÓNS ANTE A ACTUAL CONTAMINACIÓN
Ese importante e polémico proxecto está pendente da luz verde de la Xunta. Os continuos episodios de contaminación -que xa provocaron varias sancións- e desbordes nas actuais balsas son un dos elementos enarborados polos críticos para opoñerse á ampliación.
Segundo a documentación publicada por ADEGA, a mineira pretende agora o "bombeo temporal das augas dos regatos Portapego, Felixa e da balsa de Angumil con destino á balsa de Vieiro". Sería un desvío provisional, durante uns seis meses.
Que pasaría despois con esas problemáticas augas? "Volver a bombealas ao dominio público hidráulico (agora durante tres anos, xunto co resto de 1,8 millóns de metros cúbicos da balsa de Vieiro) de novo sen demostrar o seu correcto tratamento, a pesar da grave contaminación que presentan", relata ADEGA, indignada este "paquí-pallá".
Augas contaminadas pola antiga mina de cobre en Touro| Adega
APARECEN ORGANISMOS EXTREMÓFILOS
Outra cuestión é o porqué non se tratan as augas, no canto de desprazalas. Segundo os ecoloxistas, a "a empresa promotora volve argumentar que non actuou nas augas do Portapego, Felisa e a balsa de Angumil porque a súa natureza hiperácida fortemente metálica xerou unha biota de organismo extremófilos de gran interese cientifico". Unha xustificación"sorprendente", en opinión de ADEGA.
Por agora, nin os galegos de Explotacións Galegas nin a multinacional Atalaiy Minning responderon ao comunicado dos ambientalistas.
Escribe o teu comentario