Viaqua, primeira firma galega na Rede de Empresas Comprometidas coa Xestión da Diversidade

Apostar pola igualdade de xénero e a diversidade funcional, máis aló mesmo dos obxectivos fixados pola lexislación. Este é a finalidade da Rede de Empresas Comprometidas coa Xestión da Diversidade. Viaqua, a compañía especializada na xestión da auga, o a primeira empresa galega que forma parte desta iniactiva. 

Rede Acoge acaba de entregar á compañía a acreditación do seu compromiso. Trátase dun proxecto financiado con fondos europeos que "permite ás empresas e institucións comprometidas coa diversidade, compartir ideas, experiencias e iniciativas neste ámbito".

As empresas incorporadas á Rede demostran así a súa aposta por unha creación dunha contorna laboral inclusiva e libre de calquera tipo de discriminación por orixe etnocultural, nacionalidade, xénero, idade, discapacidade, orientación sexual, identidade de xénero ou calquera outra.