‘Xustiza para a Garda Civil’, nova asociación na loita pola equiparación salarial

|

‘Jucil’, a nova asociación de Gardas Civís, conta con 137 socios na provincia de Pontevedra, o que representa o 10% do persoal.


Investigan a un veciño de Covelo por incitar a un menor para comprar drogas


A Comandancia de Pontevedra acolleu o pasado luns a presentación da asociación Xustiza para a Garda Civil (Jucil), unha nova organización que nace co obxectivo de reivindicar o dereitos socio laborais dos axentes, entre eles a equiparación salarial coas policías autonómicas.

Na rolda de prensa na que participou o secretario nacional da organización, Cristian Eric Marco, con motivo da serie de presentacións previstas en toda Galicia, os participantes informaron de que desde este luns hai unha nova dirección elixida polos asociados, cuxo secretario provincial é Aitor Varela Martínez.


Este colectivo está vinculado a Jusapol (Xustiza Salarial Policial) e, segundo explicou Cristian Eric Marco, decidiron constituírse oficialmente para ter representación nas mesas de negociación sobre as condicións laborais do colectivo e formar parte do Consello Nacional da Garda Civil.

Esta asociación busca reivindicar o dereitos socio laborais dos axentes, incluíndo tamén aos gardas de reserva. Entre eles, os seus membros destacaron a necesidade dunha equiparación salarial coas policías autonómicas que máis cobran e a maior dotación de medios humanos e materiais para o exercicio das súas funcións.

DERROGACIÓN DO CÓDIGO PENAL MILITAR

Ademais, o colectivo reclama a derogación do Código penal Militar para xulgar aos gardas que comentan infraccións. Tamén se compromete a loitar pola reclasificación ao grupo B e "para terminar coas cinco brechas salariais", que segundo enumeraron son: asistencia a xuízos; xubilación; pagas extraordinarias; servizos extraordinarios; e complementos específicos.

Jucil conta con 7.000 asociados en toda España, o que a sitúa como a segunda asociación en número de integrantes na Garda Civil. Na provincia de Pontevedra, teñen 137 socios, o 10% do persoal, segundo as cifras achegadas este luns polo seu secretario xeral.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress