Un galego reelixido mandatario da ONCE

A ONCE constituíu este 17 de xaneiro o seu novo Consello Xeral, xurdido das XI eleccións democráticas da Organización, celebradas o pasado 4 de decembro. Miguel Carballeda Piñeiro, nacido en Pontevedra, foi reelixido presidente da ONCE.

O pleno constitutivo ha contado coa presenza da ministra de Sanidade, Consumo e Benestar Social, María Luisa Carcedo, acompañada do director xeral de políticas de apoio á discapacidade, Jesús Celada.

O Consello Xeral é o máximo órgano de representación e goberno da ONCE. Cada catro anos, as persoas afiliadas á Organización elixen en votación a quen lles representará nese período. Das urnas resulta a composición dos Consellos Territoriais (un por cada comunidade autónoma) e do Consello Xeral.

A elección do Consello Xeral e os Consellos Territoriais é consecuencia dun proceso democrático na ONCE que cumpre 37 anos desde que, en 1982, as persoas cegas acudiron por primeira vez ás urnas para elixir democraticamente a quen dirixe o futuro da Organización, todo iso de acordo coa Lei de Economía Social pola que se rexe a ONCE, así como dos seus propios estatutos.

O pleno, celebrado esta mañá en Madrid, reelixiu no seu cargo a Miguel Carballeda Piñeiro como presidente da ONCE para os catro próximos anos, tras lograr nas urnas o respaldo para a súa candidatura de 36.869 sufraxios entre as 66.806persoas cegas con dereito a voto nas últimas eleccións.

MIGUEL CARBALLEDA, REELIXIDO PRESIDENTE

O novo consello queda formado por 11 membros: o presidente e dez conselleiros xerais (a metade homes e a metade mulleres), entre os que haberá ademais catro vicepresidencias, que tamén son ocupadas de forma paritaria.

Miguel Carballeda mantense como presidente da ONCE e tamén do Grupo Social ONCE, que inclúe Fundación ONCE e Ilunion. Alberto Durán ocupará a vicepresidencia 1ª de Coordinación Institucional, Solidariedade e Relacións Externas; José Luis Pinto estará á fronte da vicepresidencia 2ª de Estratexia Económica, Xogo e Desenvolvemento Empresarial; Patricia Sanz encabezará a vicepresidencia 3ª de Igualdade, Recursos Humanos e Cultura Institucional, e Inclusión Dixital; e Imelda Fernández liderará a vicepresidencia 4ª de Servizos Sociais e Participación.

A primeira reunión do Consello procedeu así mesmo a nomear aos máximos responsables das diferentes áreas executivas: a Dirección Xeral da ONCE, á fronte da cal continuará  Ricardo Sánchez Cánovas; Fundación ONCE, cuxo vicepresidente executivo seguirá sendo Alberto Durán; e Ilunion, que mantén a Alejandro Oñoro como conselleiro delegado.