Un enfermo con tuberculose fai que o SERGAS lance unha investigación para detectar novos casos

A Consellería de Sanidade estuda a contorna dun adulto infectado con tuberculose na provincia de Lugo que deu lugar a "casos secundarios".

Hospital de Lugo

Así o confirmaron este venres a Europa Press fontes da Consellería de Sanidade, que concretaron que se estuda a contorna do denominado "caso índice" --un adulto-- por "se hai algún infectado máis".

Con todo, Sanidade asegura que se trata dun caso "controlado" no que se seguen os protocolos determinados polo programa galego de prevención e control da tuberculose.

Sobre o caso índice e os secundarios, a Consellería de Sanidade asegurou que "están a ser tratados" co "tratamento correspondente" en caso de infección, todos eles pola Unidade de Tuberculose do Hospital Universitario Lucus Augusti (HULA) de Lugo.