​Pablo Iglesias sáltase aos seus militantes

O orzamento do goberno de Pedro Sánchez está a servirlle a Pablo Iglesias de escusa perfecta para levantar cabeza, politicamente falando. Quere demostrar que el é un gran home de goberno, sen goberno, que é capaz de reunirse cos políticos, co PNV e con quen faga falta para botarlle un cable ao goberno socialista, aínda que este o desauterice publicamente. Iglesias non se rende, é o seu momento de gloria e non o quere desaproveitar. É toda unha campaña de de márketing gratuíta para lavar a súa imaxe e sacar peito diante de de os seus militantes, votantes e público en xeral. É o cambio de estratexia do home da coleta.

Pablo Iglesias, que non hai tanto tempo sufriu o pau da compra dunha vivenda máis propia dos "capitalistas" que tanto criticara, e non dun líder xurdido do 15M. Este suceso estivo a piques de custarlle a súa carreira política. A moción de censura e o seu apoio ao candidato Sánchez supúxolle unha boa bombona de osíxeno. Está a sacarlle rédito abondo, iso polo menos cre el. Con todo esquécese dunhas cantas cousas que non está a ter en conta e que non é precisamente peccata minuta.

Por moito que Iglesias saque peito do seu partido, Podemos ¿De verdade ten partido? En Andalucía, non controla a praza. Alí a que manda é Teresa Rodriguez e faise o que ela quere. En Catalunya, coa espantá de Domènech e a elección do novo líder, saíulle o tiro pola culata, ao non ser elixido a persoa que el propuxera, senón a oposición. En Galicia, Carolina Bescansa quere liderar Podemos e é moi posible que o consiga. A secretaria de organización está feita uns zorros. Echenique, máis que organizar, desorganiza. Teno todoa medio facer. Non serve máis nada que para dar ordes. Carece de empatía coa súa xente. Non sabe mandar e moito menos organizar. A súa estratexia é como a de Cañita Brava.

A todo isto hai que engadirlle tamén o malestar que se xerou dentro da militancia, pola actitude de Pablo Iglesias que vai por libre. Eles decátanse polos medios de comunicación do que fai ou di o seu líder. Non consulta ás bases as decisións tan importantes que está a tomar. 

Podemos é un partido, iso di os seus estatutos, e así o venderon, que consulta ás súas bases as decisións. Por que non o están cumprindo? A resposta tena as propio Iglesias, son os novos tempos de Podemos…

Despois está si aos votantes de Podemos parécelles ben todos os actos propagandistas que o líder da formación morada está a realizar: entrevista con Junqueras no cárcere, conversación telefónica con Puigdemont , e máis que probable entrevista en persoa en Bruxelas, charla co lendakari Iñigo Urkullu para que aproben os orzamentos, e de paso falar doutros temas. Está a facer de presidente na sombra, ou de emisario por designación propia? Nunha tourné publicitaria.

O goberno negou que Iglesias vaia a esas entrevistas, reunións ou como llas queira chamar, como representante do goberno, pero o líder podemita puxo a directa e segue o seu propio libro de rutas que non é outro que obter un beneficio propio. Crese o gran líder, elixido para conseguir o imposible, pero cando non chegue o prometido engadirá que polo menos o tentou. "Quen só vive para si, está morto para os demais", dicía o escritor romano Publio Siro, hai xa moitos séculos e aínda segue vixente esta afirmación, hai cousas que nin os séculos cambian.

ORZAMENTOS

O goberno de Pedro Sánchez, no tema dos orzamentos e algúns máis o está facendo rematadamente mal, non se pode deixar comer o terreo. 

Non ten unha estratexia política nin de comunicación que perciba a cidadanía e o malo do asunto é que non se dan conta do que está a ocorrer.

O PSOE parece que está aletargado ou coas mans atadas polo seu líder. Iso é bo? Máis ben non.

Con este panorama, ao presidente do goberno só lle quedan dúas saídas: prórroga de orzamento ou convocatoria de eleccións. 

'Pablo Iglesias sáltase aos seus militantes' ha sido publicado orixinalmente en catalunyapress.es