Mínima incidencia da folga de médicos no SERGAS, segundo a Xunta
O sindicato O'Mega celebrou este luns a segunda das xornadas de folga programadas ante a "deterioración constante" da "calidade" da sanidade galega por "falta de recursos materiais e humanos", e para demandar a aplicación da carreira profesional e do complemento específico "igual para todos os facultativos", unha folga que se estenderá varias xornadas deste mes e os próximos.
O sindicato O'Mega celebrou este luns a segunda das xornadas de folga programadas ante a "deterioración constante" da "calidade" da sanidade galega por "falta de recursos materiais e humanos", e para demandar a aplicación da carreira profesional e do complemento específico "igual para todos os facultativos", unha folga que se estenderá varias xornadas deste mes e os próximos.
Segundo a Consellería de Sanidade, os paros foron secundados durante esta segunda xornada polo 2,8% dos convocados nos centros asistenciais do Sergas e entidades adscritas.
Por estruturas organizativas de xestión integrada, o seguimento foi do 3,7% na da Coruña, do 2,4% na de Ferrol, do 1,4% na de Santiago, do 1,5% na de Pontevedra, do 6% na de Vigo, do 1% na de Lugo e do 2,5% na de Ourense. Nas entidades adscritas, o seguimento foi do 1,3%, segundo a Xunta, que destaca o cumprimento dos servizos mínimos.
Escribe o teu comentario