Incidentes en Cataluña durante o aniversario do 1-O

|

Corte da vu00eda do AVE na estaciu00f3n de Xirona polos CDR


Membros dos Comités de Defensa da República catalá (CDR) ocuparon ás 6.30 horas deste luns 1 de outubro as vías do AVE na estación de Xirona, polo que o servizo de tren de alta velocidade atópase interrompido, informaron os Mossos d'Esquadra.


Segundo informou Renfe, como consecuencia da protesta detívose a circulación do AVE entre as estacións de Figueres, Xirona e Barcelona, e os viaxeiros afectados están a ser derivados a servizos rexionais de Rodalies.


MARCHA EN PASEO DE GRÀCIA


Membros dos CDR de Barcelona marcharon a mañá deste luns polo paseo de Gràcia cara aos Jardinets de Gràcia, onde ás 12.00 horas hai convocada unha manifestación unitaria para conmemorar o aniversario do 1-O.


Fotonoticia 20181001091050 1920


A marcha uniu aos manifestantes que á primeira hora se concentraron en diversos puntos da cidade, e obrigou a cortar a circulación da vía.


Ás 7.00 horas producíronse concentracións en puntos como a praza Catalunya fronte ao Banco de España, a Via Laietana xunto ao mercado de Santa Caterina e a praza Letamendi fronte á sede da Axencia Tributaria.


CORTES EN ESTRADAS


Polo menos un centenar de persoas cortaron este luns a estrada LL11 en Lleida para conmemorar o primeiro aniversario do referendo do 1 de outubro.


Unha patrulla dos Mossos d'Esquadra tentou que estás persoa abrisen a circulación, pero negáronse a facelo.


Outro centenar de persoas atópanse diante da Axencia Tributaria de Barcelona, que está protexida por un cordón policial dos Mossos d'Esquadra. Os CDR piden a dimisión do actual conseller de Interior, Miquel Buch.


Tamén cortaron a circulación en diversos puntos de Barcelona como a praza Catalunya, a Via Laietana á altura do mercado de Santa Caterina e a Gran Via á altura de Passeig de Gràcia.


O Comité de Defensa per a República de Cambrils cortou a AP-7 á altura de Vandellòs.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress