Vai Europa camiño de privatizar as pensións?

|

A Unión Europea ten un plan para fomentar os plans de pensións privados, o que pode supoñer un duro golpe ao xa inestable sistema público. A eurodeputada Lida Senra trae a Galicia a algúns dos maiores expertos sobre o tema para analizar este desafío.



Presentación dunhas xornadas sobre pensións con Lídia Senra

Presentación das xornadas


Expertos de varios países abordarán en Santiago este venres e sábado nunhas xornadas --organizadas pola eurodeputada Lídia Senra-- o futuro das pensións, nas que se tratarán os riscos dos plans de pensións paneuropeos privados propostos por Bruxelas, chamados Pan-European Persoal Pension Product (PEPP), cuxo regulamento está en negociación na UE.

Neste encontro haberá participantes de países como Finlandia, Suecia, Francia, Irlanda, Portugal e Grecia. As xornadas celebraranse no Palacio de Congresos e están abertas ao público.


RELATORES DAS XORNADAS

Algúns dos relatores serán el exviceministro grego da Seguridade Social Dimítris Stratoúlis; a antiga alcaldesa do Consello do Condado de Estocolmo Birgitta Sevefjord; así como o secretario da Federación Nacional de Industrias Químicas de Francia, Christophe Janot.


Senra explica que con esta cita buscarse "poñer en común" visións sobre as pensións, "ameazadas polo intento do neoliberalismo e o capitalismo de enriquecerse á conta do erario público".


Unha das cuestións que centrará esta cita serán os plans paneuropeos de pensións, sobre os cales alerta Senra, pois cre que en Galicia, xa de seu coas pensións máis baixas do Estado, supoñería "aumentar moito" a fenda entre pensionistas, con especial afectación a mulleres.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress