VÍDEO: O Celta tumba ao Atlético en Balaídos (2-0)
Maxi Gómez abriu o marcador nada máis arrincar o segundo tempo, ao aproveitar un resbalón de Godín para roubar o esférico, encarar a porta e enviar o balón con precisión ao fondo da rede.
Campo: Balaídos, 19.261 espectadores.
CELTA de VIGO: Sergio, Hugo Mallo, Roncaglia, Araujo, Cabral, Júnior Alonso, Lobotka (Brais Méndez, min.80), Beltrán, Iago Aspas (Boufal, min.87), Maxi Gómez, Sisto (Okay, min.69).
ATLÉTICO de MADRID: Oblak, Godín, Filipe Luís, Thomas (Lemar, min.56), Koke, Griezmann, Saúl, Correa (Kalinic, min.56), Savic, Diego Costa, Giménez (Arias, min.68).
Goles: Maxi Gómez (1-0, min.46); Iago Aspas (2-0, min.52).
Árbitro: Matheu Lahoz, comité valenciano. Amonestóa Lobotka, Júnior Alonso, Hugo Mallo (Celta); Saúl, Godín, Diego Costa (Atlético). Expulsou a Savic, do Atlético.
O RC Celta de Antonio Mohamed ofreceu a súa mellor versión ata o momento para superar a un dos grandes, o Atlético de Madrid. Os celestes asinaron un partido case perfecto, cheo de sacrificio, e aproveitaron as súas ocasións para derrotar por 2 a 0 ao vixente campión da Europa League.
Maxi Gómez abriu o marcador nada máis arrincar o segundo tempo, ao aproveitar un resbalón de Godín para roubar o esférico, encarar a porta e enviar o balón con precisión ao fondo da rede. Pouco despois, o uruguaio volveu aparecer para poñer un magnífico centro á área, onde Iago Aspas cabeceou a gol.
O cadro vigués puido aumentar a súa vantaxe, e de feito fíxoo. Cabral anotou un tanto que, tras ser revisado no VAR, foi anulado por un fóra de xogo moi axustado. O RC Celta márchase ao parón de seleccións invicto, con sete puntos tras empatar un partido e gañado dous. O celtismo volve a sonreir.
Escribe o teu comentario