Policías e gardas civís protestan este sábado pola "equiparación salarial"

Imaxe: Jusapol

A plataforma Jusapol (Justiza Salarial Policial) convocou o sábado na Coruña unha manifestación en demanda da "equiparación salarial" de policías nacionais e gardas civís cos axentes autonómicos, segundo informou a Europa Press un portavoz da organización.

Será unha manifestación que partirá ás 20,00 horas da praza de María Pita e que discorrerá por Rega de Auga e rúa Real para finalizar no Obelisco coa lectura dun manifesto.

Segundo explicaron desde Jusapol, a mobilización responde a que o acordo subscrito polo anterior Goberno cos sindicatos policiais SUP, CEP, UFP e SPP e as asociacións de gardas civís AUGC, UO, AEGC, APROGC, UnionGC, ASES-GC e APC é "unha falsa equiparación".

Para esta plataforma, "non inclúe o diñeiro suficiente para igualarse" á Policía Autonómica. "Mesmo incluíron na partida o diñeiro que corresponde á subida de toda a Función Pública e iso non é equiparación", sinalan sobre as súas demandas.