O verán e o silencio e Rovira, Borràs e Gabriel

Carmen P. Flores

Rovira anna gabriel 27042018


O mes de agosto, polo xeral, adoitaba ser tranquilo politicamente falando. Levamos xa uns anos que non está a ser así. Aos incendios dos montes, non hai ano que fallen, agora sumáronse os políticos. Xa non fai falta a serpe de verán para romper a seca informativa de agosto, hai noticias cada día.


A actividade parlamentaria foise de vacacións, algo máis dun mes. En Catalunya, polas discrepancias políticas, engadíronse un mes máis. Iso si, o soldo das súas señorías non sufrirá ningún recorte polo descenso de actividade.


Os xuíces que levan, tanto en Catalunya como en Madrid, os casos do independentismo catalán; 1 de outubro, desobediencia do Parlamento de Catalunya, etc., acurtaron as súas vacacións, algúns mesmo non se foron. O titular do xulgado de instrución número 13 de Barcelona que investiga os preparativos do “referendo” do 1 de outubro pediu ao TSJC que investigue tamén a o vicepresidente do Govern, Pere Aragonès, ademais de Lluís Salvadó e Josep María Jové. Non estaba previsto, aínda que algúns pensaban que Aragonès xogara un papel importante nos preparativos do evento. A petición do xuíz xa foi interpretada como unha nova agresión e ERC puxo o berro no ceo, denunciado o acoso da xustiza ao independentismo. Será aos actos ilegais?


O devir dos días, e a proximidade dos xuízos fan que os ánimos vaian quentándose cada día máis. 


As declaracións dos políticos animan o cotarro, os incidentes entre independentistas e “constitucionalistas” van en aumento, aínda que algúns gobernantes digan que son casos illados, non o son... Mentres, os políticos que están nas prisións catalás, e os seus avogados van recusando ao xuíz Llarena. Contribúen tamén os familiares dos mesmos, os seus amigos, os partidos políticos, a ANC e Òmniun Cultural. 


Hai que aproveitar calquera momento para seguir presente nos medios de comunicación. A chama debe estar acendida permanentemente, sen tregua algunha. Non se pode baixar a garda.


Marta Rovira, que se atopa fuxida en Suíza,  e en menor medida Anna Gabriel, optaron polo silencio.  Non se sabe a actividade que realiza Rovira, nin realizou ningunha declaración, desde hai xa algún tempo. Como interpretar a actitude da republicana? Algúns afirman que estar lonxe da súa familia e amigos lle afectou moito e plantéxase deixala. Gabriel, de momento quere pasar desapercibida, aínda que por pouco tempo.


A exconsellera Meritxell Borràs, tamén se apartou da primeira liña mediática e está moi calada. A pesar de levar anos metida na actividade política apartouse discretamente da mesma. Non fai declaracións e quere pasar desapercibida.


Borràs e Rovira, dúas mulleres diferentes que adoptaron una mesma postura: a discreción e recuperar, no posible, as súas vidas persoais. Sentíronse abandonadas neste tempo? É máis que probable, aínda que a vida segue e teñen outros alicientes.



Artigo orixinal publicado en Catalunyapress.es

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress