​Ninguén da Xunta chamou á familia do ancián morto desantendido nun centro do SERGAS

|

A familia do ancián morto no PAC da Estrada quéixase que ninguén do goberno galego púxose en contacto con eles. O enfermo morreu no centro hospitalario atendido por outra paciente -enfermeira- porque non había nin médicos nin enfermeiros no Punto de Atención Continuada. O doutor e o enfermeiro destinados alí saíra a cubrir unha urxencia. Un sindicato pensa levar o caso á Xustiza. 


Concentración de persoal do PAC. Maio 2018

Unha pasada mobilización do colectivo "PACs en pé de guerra"


A Xunta alegou onte que ese é o equipo de traballo habitual nese PAC o fin de semana. A familia quéixase da falta de persoal, que achaca aos recortes.


Así, as cousas, polo menos un sindicato, O’MEGA exponse levar o caso á Xustiza. O sindicato reclama “volver” ao sistema anterior, onde no PAC había di polo menos dous facultativos. O seu portavoz Manuel Rodríguez dixo en declaracións á SER que “posiblemente teremos que recorrer á fiscalía”.


Críticas ao goberno chegan tamén desde o colectivo “PACs en pé de guerra”. Os profesionais levan meses denunciando as súas condicións laborais e piden a volta polo menos ao estado previo á crise económica, atacando a dotación inferior que hai nos veráns nestes centros.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress