Concentracións para reclamar xustiza para Juana Rivas nas cidades galegas

A sentenza que condena a Juana Rivas a 5 anos de prisión e 6 anos sen a patria potestade dos seus fillos removeu as tripas ao movemento feminista ao longo de todo o Estado. Desde que se deu a coñecer a noticia o pasado venres 27 sucedéronse as convocatorias en apoio e reclamo de xustiza para Juana Rivas, e este luns toca en Galicia. 

A as 11.00h o Feminismo Unitario de Vigo chama á cidadanía para participar nunha concentración diante dos xulgados da cidade olívica, baixo o lema "A complicidade institucional é violencia criminal". 

Así mesmo, na cidade de A Coruña o movemento convoca para as 20.00h no Obelisco, á mesma hora que se reunirá en Santiago de Compostela na Praza 8 de Marzo. 

A sentenza que condena a dous anos e medio pola subtracción de cada un dos seus fillos, a seis anos de inhabilitación para exercer a patria potestade, a pagar unha indemnización de 30.000 euros cara ao seu expareja Francesco Arcuri e o pago de todos os custos do xuízo a Juana Rivas foi recibida pola sociedade como outro acto de "xustiza patriarcal". 

Tras regresar a España desde Italia en maio de 2016 e interpoñer unha denuncia por malos tratos físicos e psicolóxicos no Centro da Muller de Maracena en xuño do mesmo ano, o presunto maltratador interpuxo unha denuncia contra Rivas por levarse aos nenos. En xullo de 2017 unha xuíza ordenou que entregase os nenos Arcuri, ante o que Juana Rivas decidiu escapar un mes con eles, feitos polos que a condenaron agora.