Continúa desaparecido un octoxenario ao que se lle perdeu a pista hai 11 días no Pino

Pasaron 11 días desde que un octoxenario desapareceu no municipio coruñés do Pino, e a Garda Civil segue sen ter noticias. José Beis Gómez, coñecido como Pepe de Beis, faltou o venres 6 de xullo da parroquia de Astrar en Arca, O Pino, onde ten a súa residencia. 

Beis, de 86 anos, está parcialmente calvo e ten un vulto no lateral da cabeza. Ten dificultades para andar e afai levar dous bastóns. En canto á súa vestimenta podería seer escura ou gris. 

A procura, que hai unha semana pasou a focalizarse nas zonas que frecuentaba o desaparecido, segue sen dar froitos. O municipio está trastornado coa desparición do veciño, e fontes veciñais criticaron ao rexedor local, o popular Manuel Taboada, por acudir o venres 7, un día despois de que se perdese o rastro ao ancián, a unha proba organizada pola Sociedade de Caza locataria e a Federación Galega de Caza na Coruña, onde resultou vencedor.