Nova protesta laboral fronte a unha tenda de Inditex
Os tres principais sindicatos de Galicia poñen o seu foco este venres en Inditex. En concreto, a raíz "paralización do convenio colectivo de comercio vario".
Os tres principais sindicatos de Galicia poñen o seu foco este venres en Inditex. En concreto, a raíz "paralización do convenio colectivo de comercio vario".
Unha pasada protesta ante o Zara da Praza de Galicia/ Eva Neira
Non se trata pois dunha protesta en concreto contra o grupo de Amancio Ortega, pero CIG, UXT e Comisións Obreiras escolleron unha das súas tendas -a de Zara na Praza de Galicia de Santiago de Compostela- para facer visible o seu malestar.
Inditex é un dos grupos que se beneficia dun convenio que os sindicatos queren mellorar. As centrais levan semanas de protestas porque, denuncian, a patronal quere eliminar o dereito para cobrar o salario íntegro durante as incapacidades temporais.
SALARIOS CONXELADOS
Ademais, lembran que desde 2015 os soldos non se actualizan. Sobre a mesa din que só hai unha oferta para subir o 1 por cento, sen ter en conta os atrasos. Os sindicatos tamén piden limitar os contratos formativos e a tempo parcial.
Este último tipo de contratos están detrás, precisamente, do conflito laboral aberto en Zara Coruña a raíz do despedimento de traballadoras que a empresa mantiña irregularmente en sen un contrato fixo.
Escribe o teu comentario