Batet, a Constitución e o conflito catalán

Carmen P. Flores

Meritxell batet


Din que as présas non son boas. As decisións hai que pensalas ben, medir as súas consecuencias e calcular con quen se conta á hora de levar as propostas ao Parlament para que poidan ser aprobadas. Os tempos son moi importantes en política, o mesmo que o diálogo e o consenso.


O novo goberno de Pedro Sánchez -que ten a intención de esgotar a lexislatura, se lle deixan- xa empezou a dicir algunhas das cousas que pretende facer. A nova ministra de Política Territorial e Función Pública, Meritxell Batet,  manifestou que "a reforma da Constitución é urxente, viable e desexable", nunha clara chiscadela ao independentismo para escenificar que o talante dos socialistas é dialogante. A que prezo?


Batet esquécese de que a reforma da Constitución require do 75% dos votos da cámara. É máis, debería facerse cun gran consenso de todos os partidos políticos. Nestes momentos, de présa para o goberno de Catalunya, co enunciado de algo que se quere facer, non se van a conformar. Nin tampouco coa reunión que van celebrar, aínda sen data, o Presidente Sánchez e o presidente Torra. O dialogo vai ir sobre a independencia de Catalunya, a República catalá, e o resto do relato que vira ao redor do monotema que todos coñecemos. Que vai facer Sánchez? Cederá ás presións? Non pode, por moitas razóns; os seus baróns territoriais -excepto Catalunya e Baleares- non están polo labor. Algúns dos seus ministros, non apoiarían a decisión e deixaríano plantado como un piñeiro. Os votantes tampouco. O PP e Cidadáns que quedaron moi tocados, moito menos estarán dispostos a que ocorra isto. Entón como pensa facelo?


Batet que é xa unha política bregada, sabe perfectamente o que está a suceder en Catalunya e cal foi a sensación de abandono na que se atoparon a outra parte da cidadanía que non é independentista. Facer unha chiscadela ao independentismo é matar a ilusión e a esperanza que moitos deles puxeron no novo goberno. Vaise abandonar a estes cidadáns? Quen os vai a defender ? A oposición?


Alguén dixo -non está claro a autoría da frase- “o fin xustifica os medios”. Iso pode ser unha frase que utilizaron aqueles a os que lle beneficia. O forno, agora, non está para moitos bolos, porque cando se xeran expectativas, ilusións e confianza nun proxecto e este resulta un engano, os resultados poden ser demoledores. Que Pedro Sánchez, presidente, non prometa cousas que non se poden cumprir.


Dicía Jean-Jacques Rousseau que:  “O máis lento en prometer é sempre o máis fiel en cumprir.”


Artigo orixinal publicado en Catalunyapress.es.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress