A Fundación Quirónsalud convoca unha bolsa de investigación en cancro de mama

A Fundación Quirónsalud convocou unha bolsa de investigación para estudos orixinais de perfil clínico-traslacional que estean relacionados con cancro de mama.

Dita bolsa está dotada de 21.000 euros e está dirixida a médicos especialistas en Oncoloxía Médica que desenvolvan as súas funcións en Cataluña.

O diñeiro da bolsa foi reunido grazas a 'Terapia de amigos', un libro de relatos, artigos e reflexións achegados por personalidades da sociedade catalá, oncólogos e pacientes sobre como se enfronta o paciente a un cancro de mama, como o afronta a súa familia, o médico e os profesionais sanitarios, así como os vínculos que se xeran ao redor da enfermidade.

A convocatoria desta bolsa estará aberta ata o próximo 30 de xuño. O proxecto elixido coñecerase o 10 de outubro,  no acto de entrega no Hospital Quirónsalud Barcelona.

Os interesados en optar a esta bolsa deberán presentar as súas candidaturas mediante o envío dunha carta de solicitude e o formulario de presentación do proxecto (que inclúe datos xerais da candidatura, CV dos candidatos, descrición do proxecto ou da iniciativa, tempo de execución, etc.) á dirección de e-mail info@fundacionquironsalud.es. 

Un xurado formado por profesionais de recoñecido prestixio en Oncoloxía (Dr. Josep Tabernero, Dr. Joaquin Arribas, Dr. Agustí Barnadas, Dr. José Ignacio Bastas, Dr. Joan Carles, Dr. Raimon Miralbell, Dr. Juanjo Torrent) avaliará os proxectos e seleccionará os tres finalistas que serán remitidos internamente ao Comité Científico de Oncoloxía Quirónsalud, que selecionará o proxecto gañador.