Concentracións en solidariedade co CSO A Insumisa

En resposta aos incidentes do pasado mércores, convocáronse dúas concentracións este xoves 24 en Vigo e Santiago de Compostela. Así mesmo, o sábado 26 A Insumisa chamou á xente para manifestarse no Obelisco da Coruña ás 20.00h.


|

Cso sar insumisa

CSO do Sar en solidariedade coa Insumisa | Imaxe: CSO do Sar


O pasado mércores 23 de maio a Policía Nacional entrou no CSO A Insumisa para desaloxalo. Ninguén se atopaba no interior do edificio, polo que, ao atoparse con esta situación, as compañeiras e activistas do centro convocaron concentracións a través das redes sociais. 


Desde o centro social manteñen que o desaloxo é "ilegal", xa que, segundo as informacións publicadas nas súas redes recollidas por Galiciapress, "realizouse antes de expirar o prazo estipulado". Ante isto, decenas de persoas acudiron ás portas da Comandancia de Obras, un edificio que foi utilizado polo Exército e que levaba anos abandonado. 


Dúas mulleres subíronse ao tellado do edificio desde a mañá ata a noite e decenas de persoas manifestáronse durante todo o día. A xornada saldouse con unha detención, dúas hospitalizadas e decenas de activistas con contusións, tras as cargas da Policía Nacional


En resposta aos incidentes do pasado mércores, convocáronse dous concentracións este xoves 24 en Vigo e Santiago de Compostela. Así mesmo, o sábado 26 A Insumisa chamou á xente a manifestarse no Obelisco da Coruña ás 20.00h para mostrar "o seu apoio aos centros sociais e o seu rexeitamento á brutalidade das institucións". 



CSO A INSUMISA

O Centro Social ha feito público un comunicado de condena ante as actuacións policiais. No escrito, critican o "suposto 'goberno do cambio' da Coruña", que actuou "saltándose a legalidade vixente e as máis mínimas garantías democráticas", porque, segundo indican, o desaloxo levou a cabo un día antes de expirar o prazo estipulado. 


Acusan o Goberno local e á policía de actuar con "sadismo e crueldade", con "gas pementa, porrazos, contusións, cóbados esnaquizados, brechas na cabeza" de ata nove grampas. "Marea Atlántica son directamente responsables da represión e a violencia", denuncian desde o centro no comunicado.


Cargas insuisa coruu00f1

Ferida durante as cargas policiais | Imaxe: CSO A Insumisa


A Insumisa, lembran, era unha "sala de concerto, un skate park gratuíto, un ximnasio autogestinado, un local para charlas e talleres, unha biblioteca, unha horta, unha cocia popular e vegana, unha fonte de financiamento de causas solidarias e unha ferramenta imprescindible dos movementos sociais".


MAREA ATLÁNTICA

Pola súa banda, a concelleira de Seguridade Cidadá, Rocío Fraga, declarou este xoves que levaban "meses traballando para evitar, precisamente, a situación que vivimos este mércores". A Marea Atlántica desvinculouse da actuación policial, indicando que "o dispositivo policial que se estableceu estaba dirixido unicamente a custodiar un ben de dominio público, en ningún caso a desaloxar nin a cargar contra ningunha persoa"


"Aínda que o de onte foi un día especialmente duro, e tendo en conta que lamentamos profundamente a existencia de persoas feridas, quero reiterar que durante a xornada ocorreu moito máis do que se pode ver nun vídeo de 40 segundos", declarou a concelleira. 


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE