CIG-Saúde esixe ao Sergas máis persoal en Atención Primaria

A CIG-Saúde advirte á Consellería de Sanidade que, en caso de non adaptar as prazas de formación "ás necesidades asistenciais", "en breve" o SERGAS non terá persoal "para cubrir a taxa de reposición por xubilación, as quendas de garda ou as ausencias". 


|

Atencionprimariaconsulta


A Confederación Intersindical Galega acaba de lanzar un comunicado para esixir ao Servizo Galego de Saúde máis persoal en Atención Primaria. 


A rama de Saúde da CIG insta ao Sergas para tomar en consideración os datos publicados nos Plans de Ordenación de Recursos Humanos de 2012 e 2013 para "adaptar as prazas en formación polo sistema de residencia (MIR e EIR) que se ofertan en Galicia ás necesidades reais que ten o SERGAS de cobertura de profesionais", segundo declaran na súa páxina web. 


Ademais dos cadros de persoal, expoñen, "hai que engadir as necesidades de coberturas de medicina de familia e comunitaria no 061, urxencias hospitalarias e no centro de transfusións". 


A CIG-Saúde advirte á Consellería de Sanidade que, en caso de non adaptar as prazas de formación "ás necesidades asistenciais", "en breve" el SERGAS non terá persoal "para cubrir a taxa de reposición por xubilación, as quendas de garda ou as ausencias". 


Segundo os datos achegados polo sindicato, as xubilacións en pediatría e áreas específicas entre 2011 e 2017 foron de 165, mentres que o número de prazas en formación que se convocan en 2017 no mesmo ámbito é de 20. Os mesmos datos confrontan 315 xubilacións en medicina de familia no mesmo período de tempo coas 90 prazas ofertadas, e as 65 xubilacións de matronas que se mitigarían con 17 prazas en 2017.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE