A Valedora do Pobo decidiu actuar de oficio no caso da Mina de Touro
Na reunión tamén interviñeron as deputadas Montse Prado (BNG) e Antón Sánchez (En Marea) , que cualificaron o comportamento da Consellería non de "transparencia", senón de "obstrución absoluta á información pública".
A Valedora do Pobo
O pasado xoves as organizacións en contra da Mina de Touro-O Pino reuníronse en Santiago coa Valedora do Pobo, para pedirlle que medie na solicitude de información á Administración.
Segundo o comunicado publicado polas organizacións convocantes, a Valedora do Pobo, Milagros María Otero Parga deixou claro ao comezo da reunión que "decidiu actuar de oficio pola gravidade e seriedade do asunto". Otero, sempre segundo o comunicado, xa se encontrou con diferentes responsables da Consellería de Economía, Emprego e Industria, manifestándolles a súa obrigación de atender ás peticións.
"A Valedora confirmou que a solicitude das corenta asociacións está amparada na Lei de transparencia", apuntan as asociacións, que confiman o compromiso de Otero para que se permita a información pública e o acceso a expedientes, aínda que confesou que "ela non podía garantirnos nada".
Na reunión coa Plataforma en defensa dá Ría de Arousa (PDRA) e a Plataforma veciñal Mina de Touro O Pino Non, as convocantes da reunión, e as máis de 40 organizacións que apoian a petición de información, interviñeron as deputadas Montse Prado (BNG) e Antón Sánchez (En Marea) , que cualificaron o comportamento da Consellería non de "transparencia", senón de "obstrución absoluta á información pública". Tamén estivo presente o parlamentario socialista Xullo Torrado.
Escribe o teu comentario