Por que os infartados do Salnés levan a Vigo se Santiago está máis preto?

|

O portavoz de Sanidade do Grupo Socialista, Julio Torrado, alertou este venres de que o Goberno galego "pode estar a poñer en risco aos pacientes do Salnés con infarto ao trasladalos a Vigo" porque no seu hospital de referencia carecen deste servizo.


O socialista Xullo Torrado


Así o manifestou Torrado, nun comunicado de prensa, despois de que o xefe de Cardiología do Complexo Hospitalario Universitario de Santiago (CHUS), José Ramón González Juanatey, reclamase, como manifestou nunha entrevista con Europa Press, o traslado destes pacientes a Santiago pola distancia co hospital de Vigo ao que os levan na actualidade.


Torrado lembrou a "recente fusión de áreas sanitarias imposta polo Goberno galego" na última reforma da lei de saúde que, ao seu xuízo, "non resolve os problemas reais da cidadanía, que son os da asistencia sanitaria".


DESAPARICIÓN DE ÁREAS SANITARIAS


"A desaparición da área sanitaria do Salnés non resolve a falta dunha resposta eficiente e rápida dos infartos porque naquel hospital carecen deste servizo", insistiu  Torrado, cando "a rapidez da resposta resulta fundamental", engadiu.


Neste sentido, o PSdeG denuncia que "a reforma está feita para xestionar ben os papelitos e pensada para as calculadoras". "Pero os socialistas queremos unha atención sanitaria pensada para as persoas", abundou.


Deste xeito, Torrado reivindicou a proposta socialista de "impulsar un catálogo de servizos básicos", que "foi ninguneado polo PP, que non quixo nin sequera entrar a debater sobre iso". Ademais, anunciou unha serie de iniciativas parlamentarias "para que o Goberno explique se vai seguir enrocado en defender a súa lei de costas a todo ou valorar o labor dos profesionais".


RESPOSTA DA XUNTA


Pola súa banda o conselleiro de Sanidade, Jesúz Vázquez Almuíña, destacou os "excelentes resultados" do programa galego de atención ao infarto agudo de miocardio (Pograliam), recoñecido como un dos mellores de España e Europa.

relacionada Cargo do SERGAS critica o atraso no atraso de pacientes con infartos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress